ᠰᠣᠨᠤᠷᠢ ᠲᠠᠨᠢ ᠪᠠᠶᠠᠰᠭᠠᠬᠤ ᠰᠣᠨᠤᠰᠳᠠᠭ ᠨᠣᠮ
ᠠᠪᠢᠶᠠᠰᠢ ᠲᠠᠨᠢ ᠰᠣᠷᠢᠬᠤ ᠪᠣᠳᠤᠳᠠᠭ ᠨᠣᠮ
ᠣᠶᠤᠨᠢ ᠲᠠᠨᠢ ᠲᠡᠯᠡᠬᠦ ᠤᠩᠱᠢᠳᠠᠭ ᠨᠣᠮ ——
《ᠴᠢᠬᠢᠨᠳᠠᠢ》 ᠴᠤᠪᠤᠷᠠᠯ ᠨᠣᠮ ᠤᠩᠱᠢᠭᠴᠢᠳᠲᠠᠢ ᠵᠣᠯᠭᠠᠯᠠ
ᠱᠢᠯᠢᠶᠢᠨ ᠬᠤᠳᠠᠳᠤ ᠶᠠᠪᠤᠭᠳᠠᠵᠤ ᠪᠠᠢᠭᠠ ᠨᠠᠢ᠍ᠮᠠᠨ ᠮᠤᠵᠢ ᠣᠷᠤᠨᠤ ᠲᠠᠪᠤᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠮᠣᠩᠭᠤᠯ ᠨᠣᠮᠤᠨ ᠦᠵᠡᠭᠦᠯᠭᠡ ᠳᠡᠭᠡᠷᠡ ᠡᠯᠡ ᠬᠡᠪᠯᠡᠯᠦᠨ ᠬᠣᠷᠢᠶᠠᠨᠤ ᠬᠢᠨ ᠱᠢᠨᠡᠪᠡᠷ ᠬᠡᠪᠯᠡᠭᠳᠡᠭᠰᠡᠨ ᠨᠣᠮᠤᠨ ᠲᠠᠷᠬᠠᠭᠠᠯᠲᠠᠶᠢᠨ ᠶᠣᠰᠤᠯᠠᠯᠢᠶᠠᠨ ᠶᠠᠪᠤᠭᠳᠠᠭᠤᠯᠵᠤ ᠪᠠᠢᠭᠠᠪᠠᠷᠢᠶᠠᠨ ᠣᠨᠴᠠᠯᠢᠭᠲᠠᠢ ᠪᠠᠢᠯᠠ᠃ ᠡᠭᠦᠨᠳᠤ ᠥᠪᠦᠷ ᠮᠣᠩᠭᠤᠯᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠡᠪᠯᠡᠯᠤᠨ ᠬᠣᠷᠢᠶᠠᠨᠠᠴᠠ ᠬᠡᠤᠬᠡᠳ ᠪᠠᠭᠠᠴᠤᠳᠲᠤ ᠵᠣᠷᠢᠭᠤᠯᠤᠯᠲᠠᠲᠠᠢ ᠬᠡᠪᠯᠡᠭᠦᠯᠦᠭᠰᠡᠨ ᠰᠣᠨᠤᠰᠴᠤ᠂ ᠤᠩᠱᠢᠵᠤ᠂ ᠪᠣᠳᠤᠵᠤ ᠪᠣᠯᠳᠠᠭ 《ᠴᠢᠬᠢᠨᠳᠠᠢ》 ᠴᠤᠪᠤᠷᠠᠯ ᠨᠣᠮᠤᠨᠢᠶᠠᠨ ᠲᠠᠷᠬᠠᠭᠠᠯᠲᠠᠶᠢ ᠶᠠᠪᠤᠭᠳᠠᠭᠤᠯᠵᠤ᠂ ᠮᠠᠱᠢ ᠤᠯᠠᠨ ᠬᠥᠮᠦᠰᠦᠨ ᠠᠩᠬᠠᠷᠤᠯᠳᠤ ᠬᠦᠷᠴᠦ ᠪᠠᠢᠭᠰᠠᠨ ᠪᠢᠯᠡ᠃
《ᠴᠢᠬᠢᠨᠳᠠᠢ ᠴᠤᠪᠤᠷᠠᠯ》 ᠤᠨ ᠠᠷᠪᠠᠨ ᠨᠣᠮ ᠪᠤᠯ ᠤᠩᠱᠢᠵᠤ ᠪᠣᠯᠬᠤ ᠮᠥᠷᠲᠡᠭᠡᠨ ᠰᠣᠨᠤᠰᠴᠤ ᠪᠣᠯᠳᠠᠭ ᠺᠤᠮᠢᠺ ᠨᠣᠮᠶᠤᠮ᠃ ᠤᠷᠢᠳᠢᠶᠠᠷ ᠨᠣᠮᠤᠨ ᠬᠠᠪᠴᠢᠭᠤᠷᠭᠠᠳᠡᠬᠢ QR ᠺᠣᠳ᠋ᠢ ᠱᠢᠷᠪᠢᠵᠦ᠂ ᠳᠠᠷᠠᠭᠠᠨᠢ ᠬᠡᠪᠯᠡᠯᠦᠨ ᠡᠷᠬᠡᠶᠢᠨ QR ᠺᠣᠳ᠋ᠢ ᠱᠢᠷᠪᠢᠪᠡᠯ ᠰᠣᠨᠤᠰᠴᠤ ᠪᠣᠯᠳᠠᠭ᠃ ᠡᠨᠡᠬᠦ ᠰᠣᠨᠤᠰᠳᠠᠭ ᠨᠣᠮᠨᠢ ᠮᠣᠩᠭᠤᠯ ᠨᠣᠮ ᠪᠢᠴᠢᠭᠤᠨ ᠲᠡᠦᠬᠡᠨᠳᠡᠬᠢ ᠱᠢᠨᠡ ᠡᠷᠢᠯᠬᠢᠯᠡᠯ ᠪᠣᠯᠬᠤ ᠮᠥᠷᠲᠡᠭᠡᠨ ᠴᠠᠭ ᠦᠶᠡᠶᠢᠨ ᠱᠠᠭᠠᠷᠳᠠᠯᠭᠠ ᠪᠠ ᠤᠩᠱᠢᠭᠴᠢᠳᠤᠨ ᠬᠡᠷᠡᠭᠴᠡᠭᠡᠲᠠᠢ ᠶᠠᠪ ᠴᠠᠪ ᠲᠣᠬᠢᠷᠠᠵᠤ ᠪᠠᠢᠭᠠ ᠶᠠᠪᠤᠳᠠᠯ ᠪᠣᠯᠤᠨᠠ᠃ ᠲᠤᠰ ᠨᠣᠮᠤᠨ ᠦᠯᠢᠭᠡᠷᠢ ᠤᠩᠱᠢᠵᠤ᠂ ᠰᠣᠨᠤᠰᠭᠤᠪᠡᠷ ᠳᠠᠮᠵᠢᠭᠠᠳ ᠮᠣᠩᠭᠤᠯᠴᠤᠳᠤᠨ ᠡᠷᠬᠢᠮᠯᠡᠬᠦ ᠶᠣᠰᠤᠨ᠂ ᠱᠢᠨᠵᠢᠬᠦ ᠶᠣᠰᠤᠨ᠂ ᠮᠡᠨᠳᠦᠯᠡᠬᠦ ᠬᠦᠨᠳᠦᠯᠡᠬᠦ ᠲᠠᠯᠠᠷᠬᠠᠬᠤ ᠶᠣᠰᠤᠨ᠂ ᠬᠣᠷᠱᠢᠶᠠ ᠦᠭᠡ᠂ ᠴᠡᠭᠡᠷ ᠶᠣᠰᠤᠨ᠂ ᠴᠡᠭᠡᠷᠯᠡᠬᠦ ᠶᠣᠰᠤᠨ᠂ ᠰᠤᠷᠭᠠᠯ ᠦᠭᠡ᠂ ᠦᠭᠡ ᠵᠦᠭᠱᠢᠷᠡᠭᠦᠯᠬᠦ ᠦᠭᠡ ᠵᠡᠷᠭᠡᠶᠢ ᠣᠢᠯᠠᠭᠠᠵᠤ ᠪᠣᠯᠬᠤᠶᠤᠮ᠃
《ᠴᠢᠬᠢᠨᠳᠠᠢ ᠺᠤᠮᠢᠺ ᠪᠦᠳᠦᠭᠡᠵᠡᠬᠡᠶᠡ》 ᠭᠡᠬᠦ ᠴᠤᠪᠤᠷᠠᠯᠳᠤ ᠨᠡᠢᠲᠡ ᠠᠷᠪᠠᠨ ᠳᠡᠪᠲᠡᠷ ᠪᠤᠢ᠃ ᠡᠨᠡ ᠠᠷᠪᠠᠨ ᠨᠣᠮ ᠪᠤᠯ ᠪᠣᠳᠤᠳᠠᠭ ᠨᠣᠮ᠃ ᠨᠣᠮᠤᠨ ᠭᠣᠤᠯ ᠳᠦᠷᠢ ᠪᠣᠯᠬᠤ ᠬᠦᠴᠦᠲᠡᠢ ᠬᠡᠨᠡᠨ ᠴᠢᠬᠢᠨᠳᠠᠢ ᠪᠤᠳᠤᠭᠤ ᠪᠠ ᠤᠬᠠᠭᠠᠨᠯᠢᠭ ᠰᠡᠷᠭᠦᠯᠡᠩ ᠴᠠᠭᠠᠢ ᠥᠬᠢᠨ ᠬᠤᠶᠠᠷᠤᠨ ᠳᠦᠷᠢ ᠪᠠ ᠠᠳᠠᠯ ᠶᠠᠪᠤᠳᠠᠯᠢ ᠪᠤᠳᠤᠭ ᠣᠷᠤᠭᠤᠯᠬᠤᠪᠡᠷ ᠳᠠᠮᠵᠢᠭᠠᠳ᠂ ᠰᠣᠨᠤᠰᠭᠤ᠂ ᠣᠢᠯᠠᠭᠠᠬᠤ᠂ ᠵᠢᠷᠤᠬᠤ᠂ ᠲᠠᠨᠢᠬᠤ ᠴᠢᠳᠠᠪᠦᠷᠢᠪᠠᠨ ᠳᠡᠭᠡᠭᠱᠢᠯᠡᠬᠦᠯᠵᠤ ᠪᠣᠯᠬᠤᠶᠤᠮ᠃
《ᠴᠠᠭᠠᠢᠶᠢᠨ ᠨᠠᠢᠵᠠᠨᠤᠭᠤᠳ》 ᠭᠡᠬᠦ ᠴᠤᠪᠤᠷᠠᠯᠳᠤ ᠨᠡᠢᠲᠡ ᠲᠠᠪᠤᠨ ᠳᠡᠪᠲᠡᠷᠲᠠᠢ᠃ ᠡᠨᠡᠬᠦ ᠲᠠᠪᠤᠨ ᠨᠣᠮᠢᠶᠠᠨ ᠢᠱᠢᠭᠡ᠂ ᠬᠤᠷᠠᠭᠠ᠂ ᠤᠨᠠᠭᠠ᠂ ᠪᠤᠲᠤᠭᠤ᠂ ᠲᠤᠭᠤᠯ ᠬᠡᠮᠡᠨ ᠨᠡᠷᠡᠢᠳᠴᠤ᠂ ᠬᠡᠤᠬᠡᠳ ᠪᠠᠭᠠᠴᠤᠳᠲᠤ ᠲᠠᠪᠤᠨ ᠬᠣᠱᠢᠭᠤ ᠮᠠᠯᠤᠨ ᠵᠠᠩ ᠠᠷᠠᠨᠱᠢᠨ᠂ ᠪᠠᠢᠳᠠᠯ ᠳᠦᠷᠬᠦ ᠵᠡᠷᠭᠡᠶᠢᠨᠢ ᠱᠢᠯᠦᠭᠦᠨ ᠬᠡᠯᠪᠡᠷᠢᠪᠠᠷ ᠲᠠᠨᠢᠭᠤᠯᠬᠤᠶᠢ ᠵᠣᠷᠢᠭᠰᠠᠨᠢᠶᠠᠷᠢᠶᠠᠨ ᠤᠨᠴᠠᠯᠢᠭᠳᠠᠵᠤ ᠪᠠᠢᠳᠠᠭ᠃
ᠨᠠᠢᠷᠠᠭᠤᠯᠤᠭᠴᠢ᠄ ᠡ᠊·ᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠲᠠᠨᠠ
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠪᠦᠷᠢᠨᠲᠦ
ᠱᠢᠯᠢᠶᠢᠨ ᠭᠣᠤᠯᠤᠨ ᠡᠳᠦᠷᠦᠨ ᠰᠣᠨᠢᠨᠠᠴᠠ ᠱᠢᠯᠵᠢᠭᠦᠯᠦᠨ ᠨᠡᠢᠳᠡᠯᠡᠪᠡ
