ᠥᠪᠦᠷ ᠮᠣᠩᠭᠤᠯᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠡᠪᠯᠡᠯᠦᠨ ᠬᠣᠷᠢᠶᠠᠨᠠᠴᠠ ᠭᠣᠤᠯᠯᠠᠨ ᠡᠷᠬᠢᠯᠡᠭᠰᠡᠨ 《ᠮᠢᠨᠦ ᠬᠣᠷᠸᠠ·ᠠᠩᠬᠠ ᠳᠤᠮᠳᠠᠳᠤᠶᠢᠨ ᠰᠤᠷᠤᠭᠴᠢᠶᠢᠨ ᠨᠣᠮᠤᠨ ᠥᠷᠦᠭᠡ》 ᠴᠤᠪᠤᠷᠠᠯ ᠨᠣᠮᠤᠨ ᠲᠠᠷᠬᠠᠭᠠᠯᠲᠠᠶᠢᠨ ᠶᠣᠰᠤᠯᠠᠯᠨᠢ 2019 ᠣᠨᠤ 10 ᠰᠠᠷᠠᠶᠢᠨ 19ᠤ ᠡᠳᠦᠷᠦᠨ ᠦᠳᠡᠶᠢᠨ ᠡᠮᠦᠨᠠ ᠱᠢᠯᠢᠶᠢᠨ ᠭᠣᠤᠯ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠳᠡᠭᠡᠲᠤ ᠰᠤᠷᠭᠠᠭᠤᠯᠢᠶᠢᠨ ᠨᠣᠮᠤᠨ ᠰᠠᠩᠳᠤ ᠠᠮᠵᠢᠯᠲᠠᠲᠠᠢᠪᠠᠷ ᠥᠨᠳᠦᠷᠯᠡᠪᠡ᠃ ᠡᠨᠡ ᠪᠤᠯ ᠨᠠᠢ᠍ᠮᠠᠨ ᠮᠤᠵᠢ ᠣᠷᠤᠨᠤ ᠲᠠᠪᠤᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠮᠣᠩᠭᠤᠯ ᠨᠣᠮ ᠪᠢᠴᠢᠭᠤᠨ ᠦᠵᠡᠰᠭᠦᠯᠡᠩᠦᠨ ᠪᠠᠰᠠ ᠨᠢᠭᠡᠨ ᠴᠢᠬᠤᠯᠠ ᠠᠭᠤᠯᠭᠠ ᠪᠣᠯᠬᠤᠶᠤᠮ᠃
ᠲᠤᠰ ᠤᠳᠠᠭᠠᠨᠤ ᠲᠠᠷᠬᠠᠭᠠᠯᠲᠠᠶᠢᠨ ᠶᠣᠰᠤᠯᠠᠯᠳᠤ᠂ ᠥᠪᠦᠷ ᠮᠣᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨᠤ ᠦᠨᠳᠦᠰᠦᠲᠡᠨᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠥᠪᠯᠡᠯ᠂ ᠥᠪᠦᠷ ᠮᠣᠩᠭᠤᠯᠤᠨ ᠰᠣᠨᠢᠨ ᠮᠡᠳᠡᠭᠡ ᠬᠡᠪᠯᠡᠯᠦᠨ ᠲᠣᠪᠴᠢᠶᠠ᠂ ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯ᠂ ᠥᠪᠦᠷ ᠮᠣᠩᠭᠤᠯᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠡᠪᠯᠡᠯᠦᠨ ᠬᠣᠷᠢᠶᠠ᠂ ᠱᠢᠯᠢᠶᠢᠨ ᠭᠣᠤᠯ ᠠᠢᠮᠠᠭᠤᠨ ᠨᠠᠮᠤᠨ ᠬᠣᠷᠢᠶᠠ ᠵᠠᠰᠠᠭᠤᠨ ᠣᠷᠳᠤᠨ᠂ ᠱᠢᠯᠢᠶᠢᠨ ᠭᠣᠤᠯ ᠠᠢᠮᠠᠭᠤᠨ ᠦᠨᠳᠦᠰᠦᠲᠡᠨᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠥᠪᠯᠡᠯ᠂ ᠱᠢᠯᠢᠶᠢᠨ ᠭᠣᠤᠯ ᠠᠢᠮᠠᠭᠤᠨ ᠷᠠᠳᠢᠣ᠋ ᠲᠸᠯᠸᠢᠰ ᠲᠣᠪᠴᠢᠶᠠ᠂ ᠱᠢᠯᠢᠶᠢᠨ ᠭᠣᠤᠯ ᠠᠢᠮᠠᠭᠤᠨ ᠡᠳᠦᠷᠦᠨ ᠰᠣᠨᠢᠨᠤ ᠬᠣᠷᠢᠶᠠ ᠵᠢᠴᠢ ᠨᠠᠢ᠍ᠮᠠᠨ ᠮᠤᠵᠢ ᠣᠷᠤᠨᠤ ᠡᠯᠡ ᠭᠠᠵᠠᠷᠠᠴᠠ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠪᠤᠰᠤᠳ ᠬᠡᠪᠯᠡᠯᠦᠨ ᠬᠣᠷᠢᠶᠠᠨᠤ ᠳᠠᠷᠤᠭᠠ ᠤᠳᠤᠷᠢᠳᠤᠯᠭᠠᠨᠠᠷ ᠪᠣᠯᠤᠨ ᠱᠢᠯᠢᠶᠢᠨ ᠬᠤᠳᠠᠶᠢᠨ ᠮᠣᠩᠭᠤᠯ ᠦᠨᠳᠦᠰᠦᠲᠡᠨᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠪᠠᠭᠱᠢ ᠰᠤᠷᠤᠭᠴᠢᠳ᠂ ᠨᠣᠮᠳᠤ ᠬᠠᠢᠷᠠᠲᠠᠢ ᠨᠡᠢᠭᠡᠮᠦᠨ ᠡᠯᠡ ᠡᠲᠡᠭᠡᠳᠦᠨ ᠬᠢᠨ ᠣᠷᠤᠯᠴᠠᠵᠠᠢ᠃
ᠨᠣᠮ ᠲᠠᠷᠬᠠᠭᠠᠯᠲᠠᠶᠢᠨ ᠶᠣᠰᠤᠯᠠᠯᠨᠢ ᠡᠬᠢᠯᠡᠯᠲᠡᠶᠢᠨ ᠶᠣᠰᠤᠯᠠᠯ᠂ ᠱᠢᠨᠡ ᠨᠣᠮᠤᠨ ᠨᠡᠭᠡᠭᠡᠯᠲᠡᠶᠢᠨ ᠶᠣᠰᠤᠯᠠᠯ᠂ ᠰᠤᠷᠤᠭᠴᠢᠳᠤᠨ ᠲᠣᠭᠯᠠᠯᠲᠠ᠂ ᠲᠤᠰᠭᠠᠢ ᠮᠡᠷᠭᠡᠵᠢᠯᠲᠡᠨᠤ ᠶᠠᠷᠢᠶᠠ᠂ ᠨᠣᠮ ᠪᠡᠯᠭᠡᠯᠡᠬᠦ ᠦᠢᠯᠡ ᠠᠵᠢᠯᠯᠠᠭᠠ ᠵᠡᠷᠭᠡ ᠤᠯᠠᠨ ᠠᠭᠤᠯᠭᠠᠶᠢ ᠬᠠᠮᠤᠷᠴᠤ᠂ ᠦᠵᠡᠭᠴᠢᠳᠦᠨ ᠲᠠᠭᠠᠱᠢᠶᠠᠯᠢ ᠮᠠᠱᠢ ᠶᠡᠬᠡ ᠬᠦᠷᠲᠡᠵᠤ ᠪᠢᠯᠡ᠃
ᠲᠤᠰ ᠤᠳᠠᠭᠠᠨᠤ ᠦᠢᠯᠡ ᠠᠵᠢᠯᠯᠠᠭᠠᠨᠳᠤ ᠱᠢᠯᠢᠶᠢᠨ ᠬᠤᠳᠠᠶᠢᠨ ᠮᠣᠩᠭᠤᠯ ᠦᠨᠳᠦᠰᠦᠲᠡᠨᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠠᠩᠬᠠ ᠬᠤᠶᠠᠷᠤᠨ 222ᠳᠤᠭᠠᠷ ᠠᠩᠭᠢᠶᠢᠨ ᠰᠤᠷᠤᠭᠴᠢᠳ ᠥᠪᠡᠷᠦᠨᠢᠶᠡᠨ ᠤᠷᠠ ᠠᠪᠢᠶᠠᠰᠢᠶᠠᠨ ᠭᠠᠢᠬᠠᠭᠤᠯᠵᠤ᠂ ᠦᠢᠯᠡ ᠠᠵᠢᠯᠯᠠᠭᠠᠶᠢ ᠤᠯᠠᠮ ᠬᠦᠷ ᠬᠥᠭᠵᠢᠶᠡᠨᠲᠠᠢ ᠪᠣᠯᠭᠠᠭᠰᠠᠨᠶᠤᠮ᠃
ᠡᠭᠦᠨᠠᠴᠠ ᠭᠠᠳᠠᠨᠠ ᠱᠢᠯᠢᠶᠢᠨ ᠬᠣᠲᠠᠶᠢᠨ ᠮᠣᠩᠭᠤᠯ ᠦᠨᠳᠦᠰᠦᠲᠡᠨᠤ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠨᠡᠷᠡᠲᠤ ᠪᠠᠭᠱᠢ᠂ ᠤᠷᠠᠨ ᠵᠣᠬᠢᠶᠠᠯᠤᠨ ᠱᠢᠭᠦᠮᠵᠢᠯᠡᠭᠴᠢ᠂ ᠵᠣᠬᠢᠶᠠᠯᠴᠢ ᠭᠠᠩᠲᠡᠮᠦᠷ ᠭᠤᠸᠠᠢ ᠲᠤᠰ ᠴᠤᠪᠤᠷᠠᠯ ᠨᠣᠮᠤᠨ ᠲᠤᠬᠠᠢ ᠦᠨᠡᠯᠡᠬᠦᠳᠤᠪᠠᠨ 《ᠡᠳᠡᠭᠡᠷ ᠨᠣᠮ ᠪᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠰᠤᠷᠤᠭᠴᠢᠳᠤᠨ ᠵᠣᠬᠢᠶᠠᠨ ᠪᠢᠴᠢᠯᠭᠡᠶᠢ ᠳᠡᠭᠡᠭᠱᠢᠯᠡᠭᠦᠯᠬᠦᠳᠤ ᠮᠠᠱᠢ ᠴᠢᠬᠤᠯᠠ ᠦᠨᠡ ᠦᠷᠳᠡᠭᠲᠠᠢ ᠨᠣᠮ ᠪᠣᠯᠤᠨᠠ᠂ ᠪᠠᠭᠱᠢ ᠰᠤᠷᠤᠭᠴᠢᠳᠤᠨ ᠭᠠᠷᠤᠨ ᠠᠪᠤᠯᠭᠠ ᠪᠣᠯᠵᠤ ᠪᠣᠯᠬᠤ ᠨᠣᠮ ᠪᠣᠯᠤᠨᠠ》 ᠭᠡᠵᠡᠢ᠃
ᠡᠨᠡ ᠤᠳᠠᠭᠠᠨᠤ ᠦᠢᠯᠡ ᠠᠵᠢᠯᠯᠠᠭᠠᠨᠳᠤ ᠥᠪᠦᠷ ᠮᠣᠩᠭᠤᠯᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠡᠪᠯᠡᠯᠦᠨ ᠬᠣᠷᠢᠶᠠᠨᠠᠴᠠ ᠱᠢᠯᠢᠶᠢᠨ ᠬᠤᠳᠠᠶᠢᠨ ᠮᠣᠩᠭᠤᠯ ᠦᠨᠳᠦᠰᠦᠲᠡᠨᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠪᠠᠭᠱᠢ ᠰᠤᠷᠤᠭᠴᠢᠳᠲᠤ ᠨᠡᠢᠲᠡ ᠬᠤᠶᠠᠷ ᠲᠦᠮᠡ ᠭᠠᠷᠤᠢ ᠲᠥᠭᠦᠷᠢᠭᠦᠨ ᠦᠷᠳᠡᠭ ᠪᠦᠬᠦᠢ ᠨᠣᠮ ᠬᠠᠨᠳᠢᠪᠯᠠᠵᠠᠢ᠃
《ᠮᠢᠨᠦ ᠬᠣᠷᠸᠠ· ᠠᠩᠬᠠ ᠳᠤᠮᠳᠠᠳᠤᠶᠢᠨ ᠰᠤᠷᠤᠭᠴᠢᠶᠢᠨ ᠨᠣᠮᠤᠨ ᠥᠷᠦᠭᠡ》 ᠴᠤᠪᠤᠷᠠᠯ ᠨᠣᠮᠤᠨ ᠲᠠᠷᠬᠠᠭᠠᠯᠲᠠᠶᠢᠨ ᠶᠣᠰᠤᠯᠠᠯᠨᠢ ᠨᠣᠮᠳᠤ ᠬᠠᠢᠷᠠᠲᠠᠢ ᠬᠥᠮᠦᠨ ᠪᠦᠬᠦᠨᠤ ᠰᠡᠳᠭᠢᠯ ᠢᠲᠡᠭᠡᠯᠦᠨ ᠳᠡᠮᠵᠢᠯᠭᠡᠪᠡᠷ ᠠᠮᠵᠢᠯᠲᠠᠲᠠᠢ ᠥᠨᠳᠦᠷᠯᠡᠵᠦ᠂ ᠮᠣᠩᠭᠤᠯ ᠨᠣᠮ ᠪᠢᠴᠢᠭᠤᠨ ᠲᠡᠦᠬᠡᠨᠳᠡᠬᠢ ᠪᠠᠰᠠ ᠨᠢᠭᠡᠨ ᠬᠠᠭᠤᠳᠠᠰᠤᠶᠢ ᠱᠢᠨᠡᠪᠡᠷ ᠪᠢᠴᠢᠭᠯᠡᠪᠡ᠃
ᠨᠣᠤᠷᠠᠭ ᠬᠠᠩᠭᠠᠭᠴᠢ᠄ ᠰᠠᠷᠠᠨᠠ
ᠬᠢᠨᠠᠭᠴᠢ᠄ ᠨᠠᠷᠠᠨᠲᠤᠶᠠᠭᠠ
ᠥᠪᠦᠷ ᠮᠣᠩᠭᠤᠯᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠡᠪᠯᠡᠯᠦᠨ ᠬᠣᠷᠢᠶᠠᠨᠤ ᠸᠢᠴᠠᠲ ᠲᠠᠪᠴᠠᠩᠠᠴᠠ ᠱᠢᠯᠵᠢᠭᠦᠯᠦᠨ ᠨᠡᠢᠳᠡᠯᠡᠪᠡ
（ᠬᠠᠷᠢᠭᠤᠴᠠᠭᠰᠠᠨ ᠨᠠᠢᠷᠠᠭᠤᠯᠤᠭᠴᠢ : ᠤᠷᠢᠬᠠᠨ）
