10 ᠰᠠᠷᠠᠶᠢᠨ 13ᠦ ᠦᠳᠡᠶᠢᠨ ᠡᠮᠦᠨᠡ᠂ ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠡᠴᠡ ᠭᠣᠣᠯᠯᠠᠨ ᠡᠷᠬᠢᠯᠡᠭᠰᠡᠨ 《ᠦᠵᠡᠰᠬᠦᠯᠡᠩᠲᠦ ᠰᠠᠢᠬᠠᠨ ᠤᠮᠠᠷᠠᠲᠤ ᠬᠢᠯᠢ》 ᠶᠠᠷᠢᠶᠠᠨᠤ ᠲᠠᠪᠴᠠᠩᠤᠨ ᠭᠤᠷᠪᠠᠳᠠᠭᠢ ᠬᠤᠭᠤᠴᠠᠭᠠ ᠥᠪᠦᠷ ᠮᠣᠩᠭᠤᠯᠤᠨ ᠠᠷᠠᠳᠤᠨ ᠬᠤᠷᠠᠯᠤᠨ ᠲᠠᠩᠬᠢᠮᠳᠤ ᠶᠠᠪᠤᠭᠳᠠᠪᠠ᠃ ᠱᠢᠨ ᠳ᠋ᠦᠩ ᠹᠠᠩᠤᠨ ᠡᠭᠦᠳᠦᠨ ᠪᠠᠢᠭᠤᠯᠤᠭᠴᠢ᠂ ᠱᠢᠨ ᠳ᠋ᠦᠩ ᠹᠠᠩ ᠨᠡᠷᠡᠮᠵᠢᠲᠦ ᠰᠤᠷᠭᠠᠨ ᠬᠥᠮᠦᠵᠢᠯ ᠱᠢᠨᠵᠢᠯᠡᠬᠦ ᠤᠬᠠᠭᠠᠨ ᠮᠡᠷᠭᠡᠵᠢᠯᠦᠨ ᠪᠦᠯᠦᠭᠯᠡᠯᠦᠨ ᠬᠡᠷᠡᠭ ᠮᠡᠳᠡᠭᠴᠢᠳᠦᠨ ᠲᠠᠷᠤᠭᠠ ᠢᠦᠢ ᠮᠢᠨ ᠬᠣᠩ ᠶᠠᠷᠢᠶᠠᠨᠤ ᠲᠠᠪᠴᠠᠩᠳᠤ ᠤᠷᠢᠭᠳᠠᠨ 《ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠠᠢᠷᠠ ᠰᠡᠳᠬᠢᠯᠭᠡ ᠪᠠ ᠬᠤᠪᠢ ᠬᠥᠮᠦᠨᠦ ᠦᠰᠦᠨ ᠪᠣᠢᠵᠢᠯᠲᠠ》 ᠭᠡᠬᠦ ᠲᠤᠰᠭᠠᠢ ᠰᠡᠳᠦᠪᠲᠦ ᠲᠠᠢᠯᠤᠮᠵᠢ ᠬᠢᠵᠡᠢ᠃
ᠢᠦᠢ ᠮᠢᠨ ᠬᠣᠩ ᠶᠠᠷᠢᠭᠰᠠᠨᠨᠢ᠂ ᠠᠮᠢᠳᠤᠷᠠᠯ ᠬᠡᠳᠦᠢ ᠳᠥᠭᠦᠮ ᠪᠣᠯ ᠲᠡᠳᠦᠢ ᠵᠣᠯ ᠵᠢᠷᠭᠠᠯᠲᠠᠢ᠂ ᠨᠣᠮ ᠤᠩᠱᠢᠬᠤ᠂ ᠵᠣᠬᠢᠶᠠᠨ ᠪᠢᠴᠢᠬᠦ᠂ ᠵᠤᠭᠠᠴᠠᠯ ᠪᠣᠯ ᠲᠡᠭᠦᠨᠦ ᠠᠮᠢᠳᠤᠷᠠᠯᠤᠨ ᠬᠥᠭᠡᠭᠡᠴᠡᠯᠳᠦᠯ ᠮᠦᠨ᠃ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠲᠤᠬᠠᠢ ᠶᠠᠷᠢᠬᠤᠳᠤᠪᠠᠨ ᠲᠡᠷᠡ᠄ 《ᠣᠳᠤᠬᠠᠨᠳᠤ ᠨᠠᠶᠠᠭᠠᠳ ᠣᠨᠤ ᠠᠢᠯᠤᠨ ᠭᠠᠭᠴᠠ ᠬᠡᠤᠬᠡᠳᠦ᠋ᠳ ᠡᠴᠢᠭᠡ ᠡᠬᠡ ᠪᠣᠯᠤᠭᠰᠠᠨᠤ ᠳᠠᠷᠠᠭᠠ᠂ ᠣᠯᠠᠩᠬᠢᠨᠢ ᠬᠡᠦᠭᠡᠳᠢᠶᠡᠨ ᠰᠤᠷᠭᠠᠵᠤ ᠴᠢᠳᠠᠬᠤᠦᠭᠡᠢ ᠪᠠᠢᠨᠠ᠂ ᠡᠢᠮᠦᠡᠴᠡ ᠭᠡᠷ ᠪᠦᠯᠢᠶᠢᠨ ᠬᠥᠮᠦᠵᠢᠯᠢ ᠣᠯᠠᠨᠢᠶᠠᠷᠢᠶᠠᠨ ᠬᠦᠨᠳᠦᠳᠬᠡᠨ ᠦᠵᠡᠵᠦ ᠰᠤᠷᠤᠯᠴᠠᠬᠤ ᠴᠢᠬᠤᠯᠠᠲᠠᠢ ᠪᠣᠯᠤᠭᠠᠳ ᠪᠠᠢᠨᠠ》 ᠭᠡᠵᠡᠢ᠃ ᠢᠦᠢ ᠮᠢᠨ ᠬᠣᠩ ᠬᠤᠳᠠᠯᠳᠤᠭᠠ ᠡᠷᠬᠢᠯᠡᠭᠡᠳ 30 ᠵᠢᠯᠤᠨ ᠨᠢᠭᠤᠷ ᠦᠵᠡᠵᠦ ᠪᠤᠢ᠂ ᠲᠡᠭᠦᠨᠦ ᠦᠵᠡᠬᠦᠪᠡᠷ ᠴᠢᠨᠠᠷᠯᠢᠭ ᠪᠦᠲᠦᠭᠡᠭᠳᠡᠬᠦᠨ ᠪᠣᠯ ᠬᠥᠭᠵᠢᠯᠲᠡᠶᠢᠨ ᠬᠠᠮᠤᠭᠤᠨ ᠰᠠᠢᠨ ᠠᠷᠭᠠ᠂ ᠦᠨᠡᠨᠴᠢ ᠢᠲᠡᠭᠡᠮᠵᠢᠲᠡᠢᠪᠠᠷ ᠦᠨᠡᠨ ᠰᠡᠳᠬᠢᠯᠡᠴᠡᠪᠡᠨ ᠠᠵᠢᠯᠲᠠᠨ ᠪᠠ ᠬᠡᠷᠡᠭᠯᠡᠭᠴᠢᠳᠦ ᠬᠠᠨᠳᠤᠪᠠᠯ ᠰᠠᠶᠢ ᠤᠷᠲᠤ ᠬᠤᠭᠤᠴᠠᠭᠠᠨᠤ ᠢᠲᠡᠭᠡᠯᠢ ᠣᠯᠵᠤ ᠴᠢᠳᠠᠨᠠ᠂ ᠱᠢᠯᠢᠳᠡᠭ ᠪᠦᠯᠬᠦᠮ ᠨᠡᠢᠲᠡ ᠪᠣᠯ ᠠᠵᠢᠯ ᠦᠢᠯᠡᠰᠦᠨ ᠲᠠᠪᠱᠢᠯᠲᠠᠶᠢ ᠪᠠᠲᠤᠯᠠᠬᠤ ᠰᠠᠭᠤᠷᠢ ᠮᠥᠨ᠃ 2 ᠴᠠᠭ ᠱᠢᠬᠠᠮᠤᠨ ᠶᠠᠷᠢᠶᠠᠨᠳᠤ ᠢᠦᠢ ᠮᠢᠨ ᠬᠣᠩ ᠭᠣᠤᠯᠳᠠᠭᠤ ᠰᠤᠷᠤᠯᠴᠠᠯᠭᠠ᠂ ᠠᠮᠢᠳᠤᠷᠠᠯ᠂ ᠦᠢᠯᠡᠰ ᠪᠣᠰᠭᠠᠬᠤ ᠵᠠᠮᠠᠴᠠ ᠬᠤᠪᠢ ᠬᠥᠮᠦᠨᠦ ᠥᠩᠭᠡᠷᠡᠯᠲᠡ᠂ ᠵᠠᠩ ᠠᠭᠠᠱᠢ᠂ ᠳᠤᠷᠠ ᠪᠠᠬᠠ ᠵᠡᠷᠭᠡᠶᠢ ᠶᠠᠷᠢᠵᠤ᠂ ᠦᠭᠡ ᠬᠡᠯᠡᠨᠢ ᠠᠮᠢᠳᠤᠯᠢᠭ ᠶᠦᠮᠦᠷᠯᠢᠭ ᠪᠠᠢᠵᠤ᠂ ᠦᠵᠡᠭᠴᠢᠳ ᠨᠢᠵᠢᠭᠢᠨᠡᠲᠡᠯᠡ ᠠᠯᠠᠭᠠ ᠲᠠᠱᠢᠵᠠᠭᠠᠨ ᠲᠣᠬᠠᠢᠶᠢᠨ ᠲᠠᠯᠠᠪᠠᠢᠶᠢᠨ ᠠᠭᠤᠷ ᠠᠮᠢᠰᠭᠤᠯ ᠬᠦᠷ ᠬᠥᠭᠵᠢᠶᠡᠨᠢᠶᠡᠷ ᠪᠢᠯᠬᠠᠵᠠᠢ᠃
ᠢᠦᠢ ᠮᠢᠨ ᠬᠣᠩ᠂ 1962 ᠣᠨᠳᠤ ᠨᠢᠭᠡᠨ ᠡᠩᠦᠨ ᠬᠥᠳᠡᠭᠡ ᠲᠣᠰᠭᠤᠨᠤ ᠭᠡᠷ ᠪᠦᠯᠢᠳᠦ ᠲᠥᠷᠦᠪᠡ᠂ ᠲᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ ᠰᠤᠷᠤᠭᠴᠢ ᠡᠯᠰᠡᠬᠦ ᠱᠢᠯᠭᠠᠯᠲᠠᠳᠤ ᠬᠣᠶᠠᠷ ᠤᠳᠠᠭᠠ ᠣᠷᠤᠯᠴᠠᠵᠤ ᠭᠣᠭᠤᠵᠢᠭᠳᠠᠭᠰᠠᠨ ᠪᠣᠯᠪᠠᠴᠤ ᠵᠣᠷᠢᠭ ᠮᠣᠬᠤᠯᠦᠭᠡᠢᠪᠡᠷ ᠱᠢᠮᠳᠠᠵᠤ 1980 ᠣᠨᠳᠤ ᠪᠡᠭᠡᠵᠢᠩ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠦᠷᠦᠨᠡᠳᠠᠬᠢᠨᠤ ᠬᠡᠯᠡᠨᠦ ᠰᠠᠯᠪᠤᠷᠢᠳᠤ ᠤᠷᠤᠭᠱᠢᠲᠠᠢ ᠱᠢᠯᠭᠠᠨ ᠣᠷᠤᠪᠠ᠃ 1993 ᠣᠨᠤ 11 ᠰᠠᠷᠠᠳᠤ᠂ ᠨᠢᠭᠡᠨᠲᠡ ᠰᠤᠷᠭᠠᠭᠤᠯᠢᠳᠤᠪᠠᠨ ᠦᠯᠡᠳᠡᠵᠦ ᠠᠵᠢᠯᠯᠠᠭᠰᠠᠨ ᠢᠦᠢ ᠮᠢᠨ ᠬᠣᠩ ᠪᠠᠭᠱᠢᠶᠢᠨ ᠠᠵᠢᠯᠢᠶᠠᠨ ᠬᠠᠶᠠᠵᠤ ᠬᠤᠳᠠᠯᠳᠤᠭᠠ ᠡᠷᠬᠢᠯᠡᠨ ᠱᠢᠨ ᠳ᠋ᠦᠩ ᠹᠠᠩ ᠨᠡᠷᠡᠮᠵᠢᠲᠦ ᠰᠤᠷᠭᠠᠭᠤᠯᠢᠶᠢ ᠡᠭᠦᠳᠦᠨ ᠪᠠᠢᠭᠤᠯᠵᠤ᠂ 34 ᠬᠣᠲᠠᠳᠤ ᠠᠩᠭᠯᠢ ᠬᠡᠯᠡᠨᠦ ᠰᠤᠷᠭᠠᠭᠤᠯᠢ ᠪᠠ ᠪᠤᠰᠤᠳ ᠰᠤᠷᠤᠯᠴᠠᠬᠤ ᠲᠥᠪᠢ ᠪᠠᠢᠭᠤᠯᠵᠠᠢ᠃ 2009 ᠣᠨᠤ CCTV ᠠᠵᠤ ᠠᠬᠤᠢᠶᠢᠨ ᠰᠣᠳᠤᠨ ᠬᠥᠮᠦᠰᠦᠨ ᠱᠠᠩᠨᠠᠯ ᠣᠯᠭᠤᠬᠤ ᠶᠠᠷᠢᠶᠠᠨᠳᠤ ᠢᠤᠢ ᠮᠢᠨ ᠬᠣᠩᠢ᠄ 《ᠨᠢᠭᠡᠨ ᠠᠩᠭᠢ ᠤᠬᠤᠷᠢᠵᠤ ᠥᠩᠭᠡᠷᠡᠭᠰᠡᠨ ᠰᠤᠷᠤᠭᠴᠢ ᠲᠣᠭᠠ ᠲᠣᠮᠱᠢ ᠥᠬᠡᠢ ᠰᠤᠷᠤᠭᠴᠢᠳᠤᠨ ᠨᠢᠭᠡ ᠨᠠᠰᠤᠶᠢ ᠭᠡᠭᠡᠷᠡᠭᠦᠯᠪᠡ; ᠲᠡᠷᠡ ᠶᠡᠷᠦᠡᠴᠡ ᠭᠠᠳᠠᠭᠠᠳᠤᠳᠤ ᠰᠤᠷᠤᠯᠴᠠᠵᠤ ᠥᠩᠭᠡᠷᠡᠭᠡᠦᠭᠡᠢ ᠬᠠᠷᠢᠨ ᠨᠢᠭᠡᠨ ᠰᠠᠯᠠᠭᠠ ᠤᠯᠤᠰ ᠠᠯᠤᠰᠯᠠᠭᠰᠠᠨ ᠬᠥᠯᠭᠡ ᠣᠩᠭᠤᠴᠠᠨ ᠠᠩᠭᠢ ᠪᠠᠢᠭᠤᠯᠵᠠᠢ᠃ ᠲᠡᠭᠦᠨᠦ ᠶᠠᠷᠢᠶᠠ ᠢᠯᠡᠳᠬᠡᠯᠨᠢ 26 ᠴᠠᠭᠠᠨ ᠲᠣᠯᠤᠭᠠᠢᠪᠠᠷ ᠦᠷᠦᠨᠡ ᠳᠣᠷᠤᠨᠠᠶᠢ ᠬᠣᠯᠪᠤᠪᠠ᠃ ᠲᠡᠷᠡ ᠴᠡᠭᠡᠵᠢᠨᠳᠤᠪᠠᠨ ᠲᠡᠯᠡᠬᠡᠢᠶᠢ ᠪᠠᠭᠲᠠᠭᠠᠵᠤ ᠳᠣᠷᠤᠨᠠ ᠵᠦᠭ ᠵᠣᠷᠢᠭᠯᠠᠮᠤᠢ》 ᠬᠡᠮᠡᠨ ᠵᠦᠢᠷᠯᠡᠪᠡ᠃
ᠡᠨᠡ ᠵᠢᠯᠦᠨ 4 ᠰᠠᠷᠠᠶᠢᠨ 30ᠦ ᠡᠳᠦᠷ᠂ 《ᠦᠵᠡᠰᠬᠦᠯᠡᠩᠲᠦ ᠰᠠᠢᠬᠠᠨ ᠤᠮᠠᠷᠠᠲᠤ ᠬᠢᠯᠢ》 ᠶᠠᠷᠢᠶᠠᠨᠤ ᠲᠠᠪᠴᠠᠩ ᠠᠩᠬᠠ ᠡᠬᠢᠯᠡᠵᠦ᠂ ᠭᠠᠳᠠᠭᠠᠳᠤ ᠠᠵᠤ ᠠᠬᠤᠢ ᠠᠷᠠᠯᠵᠢᠶᠠᠨᠤ ᠶᠠᠮᠤᠨᠤ ᠲᠡᠳ ᠰᠠᠢᠳ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠡᠯᠡᠬᠡᠢᠶᠢᠨ ᠠᠷᠠᠯᠵᠢᠶᠠᠨᠤ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠳᠤ ᠣᠷᠤᠯᠴᠠᠬᠤ ᠬᠡᠯᠡᠯᠴᠡᠭᠡᠷᠤᠨ ᠲᠡᠷᠢᠭᠦᠨᠤ ᠲᠤᠰᠭᠠᠢ ᠮᠡᠷᠭᠡᠵᠢᠯᠲᠡᠨ᠂ ᠤᠤᠯᠤᠨ ᠠᠽᠢᠶᠠ ᠲᠢᠪᠤᠨ ᠶᠠᠷᠢᠶᠠᠨᠤ ᠲᠠᠪᠴᠠᠩᠤᠨ ᠬᠡᠷᠡᠭ ᠡᠷᠬᠢᠯᠡᠭᠴᠢ᠂ ᠨᠠᠷᠢᠨ ᠪᠢᠴᠢᠭᠦᠨ ᠲᠠᠷᠤᠭᠠ ᠯᠦᠩ ᠶᠦᠩᠲᠦ ᠠᠪᠤᠭᠠᠢᠡᠴᠡ 《ᠣᠳᠤᠬᠠᠨᠤ ᠠᠵᠤ ᠠᠬᠤᠢᠶᠢᠨ ᠪᠠᠢᠳᠠᠯ ᠬᠢᠭᠡᠳ ᠮᠠᠨᠤ ᠤᠯᠤᠰᠤᠨ ᠭᠠᠳᠠᠭᠠᠳᠤ ᠨᠡᠭᠡᠭᠡᠯᠲᠡ》 ᠭᠡᠬᠦ ᠰᠡᠳᠦᠪᠢᠶᠡᠷ ᠭᠣᠣᠯ ᠰᠡᠳᠦᠪᠲᠦ ᠲᠠᠢᠯᠤᠮᠵᠢ ᠬᠢᠵᠡᠢ᠃ ᠶᠠᠷᠢᠶᠠᠨᠤ ᠲᠠᠪᠴᠠᠩᠤᠨ ᠬᠣᠶᠠᠳᠠᠭᠢ ᠬᠤᠭᠤᠴᠠᠭᠠᠨᠳᠤ ᠬᠠᠭᠠᠨᠤ ᠣᠷᠳᠤᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠵᠠᠬᠢᠷᠤᠯ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠡᠦᠬᠡᠶᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠰᠤᠳᠤᠯᠭᠠᠨᠤ ᠨᠡᠢᠭᠡᠮᠯᠢᠭᠦᠨ ᠲᠠᠷᠤᠭᠠ ᠱᠠᠨ ᠵᠢᠢ ᠱᠢᠶᠠᠩᠢ ᠤᠷᠢᠵᠤ 《ᠤᠷᠠᠨ ᠲᠠᠷᠬᠠᠨᠤ ᠡᠨᠡᠷᠢᠩᠭᠦᠢ ᠰᠡᠳᠬᠢᠯ - ᠰᠣᠶᠤᠯᠤᠨ ᠥᠪ ᠬᠥᠷᠦᠩᠭᠡᠶᠢᠨ ᠡᠬᠢ ᠪᠠᠶᠠᠯᠢᠭᠢ ᠠᠮᠢᠯᠠᠭᠤᠯᠤᠶᠠ》 ᠭᠡᠬᠦ ᠰᠡᠳᠦᠪᠢᠶᠡᠷ ᠲᠤᠰᠭᠠᠢ ᠰᠡᠳᠦᠪᠲᠦ ᠶᠠᠷᠢᠶᠠ ᠢᠯᠡᠳᠬᠡᠯ ᠬᠢᠪᠡ᠃ ᠬᠣᠶᠠᠷ ᠤᠳᠠᠭᠠᠨᠤ ᠲᠠᠢᠯᠤᠮᠵᠢᠶᠢᠨ ᠠᠬᠤᠢ ᠲᠠᠯᠠᠪᠠᠢᠶᠢᠨ ᠬᠥᠮᠦᠨᠦ ᠲᠣᠭᠠ ᠴᠥᠮ ᠮᠢᠩᠭᠠᠶᠢ ᠲᠠᠪᠠᠵᠤ᠂ ᠱᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡᠶᠢᠨ ᠲᠠᠪᠴᠠᠩ ᠵᠢᠴᠢ ᠣᠯᠠᠨ ᠵᠠᠭᠤᠴᠢᠲᠤ ᠣᠯᠠᠨ ᠡᠱᠢᠴᠢᠯᠡᠭᠰᠡᠨ ᠪᠣᠰᠤᠭᠠ ᠴᠣᠭᠴᠠᠲᠤ ᠲᠠᠮᠵᠢᠭᠤᠯᠭᠠᠨᠢ ᠮᠠᠱᠢ ᠰᠠᠢᠨ ᠨᠡᠢᠭᠡᠮᠦᠨ ᠦᠷᠡ ᠪᠦᠲᠦᠮᠵᠢ ᠣᠯᠤᠭᠰᠠᠨ ᠪᠠᠢᠨᠠ᠃
ᠰᠤᠷᠪᠤᠯᠵᠢᠯᠠᠭᠴᠢ᠄ ᠭᠤᠤ ᠫᠢᠩ
ᠬᠠᠷᠢᠭᠤᠴᠠᠭᠰᠠᠨ ᠨᠠᠢᠷᠠᠭᠤᠯᠤᠭᠴᠢ᠄ ᠰᠦᠨ ᠽᠦᠩ ᠡᠾᠸ
ᠭᠤᠧᠠᠩᠮᠢᠩ ᠡᠳᠦᠷᠦᠨ ᠰᠣᠨᠢᠨᠤ ᠬᠠᠮ ᠵᠠᠭᠤᠴᠢᠯᠠᠭᠤᠷᠡᠴᠡ ᠱᠢᠯᠵᠢᠭᠦᠯᠦᠨ ᠨᠡᠢᠲᠡᠯᠡᠪᠡ
