2020 ᠣᠨᠤ 3 ᠰᠠᠷᠠᠶᠢᠨ 20ᠤ ᠡᠳᠦᠷᠦᠨ 9 ᠴᠠᠭᠲᠤ᠂ ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠬᠣᠶᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠠᠵᠢᠯᠲᠠᠨᠤ ᠲᠥᠯᠦᠭᠡᠯᠡᠭᠴᠢᠳᠦᠨ ᠶᠡᠬᠡ ᠬᠤᠷᠠᠯᠤᠨ ᠨᠢᠭᠡᠳᠦᠭᠡᠷ ᠤᠳᠠᠭᠠᠨᠤ ᠬᠤᠷᠠᠯᠢ ᠬᠤᠷᠠᠯᠳᠤᠭᠤᠯᠪᠡ᠃ ᠬᠤᠷᠠᠯᠨᠢ ᠳᠦᠷᠰᠦ ᠱᠢᠩᠭᠡᠭᠡᠯᠲᠡᠶᠢᠨ ᠬᠤᠷᠠᠯᠤᠨ ᠬᠡᠯᠪᠡᠷᠢᠪᠡᠷ ᠶᠠᠪᠤᠭᠳᠠᠵᠤ᠂ ᠨᠢᠭᠡ ᠭᠣᠤᠯ ᠬᠤᠷᠠᠯᠤᠨ ᠲᠠᠯᠠᠪᠠᠢ ᠪᠠ ᠲᠠᠪᠤᠨ ᠬᠤᠪᠢᠶᠠᠷᠢ ᠲᠠᠯᠠᠪᠠᠢ ᠲᠣᠬᠢᠷᠠᠭᠤᠯᠵᠠᠢ᠃ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠬᠣᠶᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠠᠵᠢᠯᠲᠠᠨᠤ ᠲᠥᠯᠦᠭᠡᠯᠡᠭᠴᠢᠳ ᠨᠡᠢᠲᠡ 83 ᠬᠥᠮᠦᠨ ᠬᠤᠷᠠᠯᠳᠤ ᠣᠷᠤᠯᠴᠠᠵᠤ᠂ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯ ᠵᠢᠴᠢ ᠬᠠᠷᠢᠶᠠ ᠨᠢᠭᠡᠴᠢᠶᠢᠨ ᠤᠳᠤᠷᠢᠳᠤᠯᠭᠠ 26 ᠬᠥᠮᠦᠨ ᠬᠤᠷᠠᠯᠳᠤ ᠰᠤᠯᠠ ᠣᠷᠤᠯᠴᠠᠵᠠᠢ᠃
ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠰᠠᠬᠢᠯᠭᠠ ᠪᠠᠲᠤ ᠪᠠᠢᠴᠠᠭᠠᠬᠤ ᠬᠣᠷᠢᠶᠠᠨᠤ ᠭᠡᠱᠢᠭᠦᠨ᠂ ᠶᠡᠷᠦᠩᠬᠡᠢ ᠨᠠᠢᠷᠠᠭᠤᠯᠤᠭᠴᠢᠶᠢᠨ ᠲᠤᠰᠠᠯᠠᠭᠴᠢ᠂ ᠠᠵᠢᠯᠲᠠᠨᠤ ᠡᠪᠯᠡᠯᠦᠨ ᠳᠡᠳ᠋ ᠲᠡᠷᠢᠭᠦᠯᠡᠭᠴᠢ ᠬᠤᠸᠠᠩ ᠲᠤᠤ ᠬᠤᠷᠠᠯ ᠡᠷᠬᠢᠯᠡᠪᠡ᠃ ᠬᠤᠷᠠᠯᠳᠤ᠂ 《ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠪᠡᠶᠡᠰᠦᠨ ᠰᠦᠯᠵᠢᠶᠡᠨᠳᠤ ᠰᠠᠭᠤᠷᠢᠯᠠᠭᠰᠠᠨ ᠪᠦᠷᠢᠨ ᠠᠦ᠋ᠲ᠋ᠤᠴᠢᠯᠠᠭᠰᠠᠨ ᠣᠶᠤᠨᠲᠤ ᠬᠡᠪᠯᠡᠯᠦᠨ ᠦᠢᠯᠡᠳᠪᠦᠷᠢᠶᠢᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠ ᠵᠢᠴᠢ ᠵᠠᠩᠭᠢᠯᠠᠭᠠᠶᠢᠨ ᠮᠡᠷᠭᠡᠵᠢᠯᠤᠨ ᠰᠤᠳᠤᠯᠭᠠᠨ ᠪᠠ ᠬᠡᠷᠡᠭᠯᠡᠭᠡ》 ᠂ 《ᠬᠢᠲᠠᠳ ᠮᠣᠩᠭᠤᠯ ᠺᠣᠮᠫᠢᠦ᠋ᠲᠧᠷ ᠲᠤᠰᠠᠯᠠᠮᠵᠢᠲᠤ ᠣᠷᠴᠢᠭᠤᠯᠭᠠᠶᠢᠨ ᠲᠠᠪᠴᠠᠩ ᠵᠢᠴᠢ ᠦᠢᠯᠡᠴᠢᠯᠡᠭᠡᠨᠤ ᠱᠢᠰᠲᠧᠮᠤᠨ ᠪᠠᠢᠭᠤᠯᠤᠯᠲᠠ》ᠶᠢᠨ ᠲᠥᠰᠦᠪ ᠵᠢᠴᠢ ᠠᠵᠢᠯᠤᠨ ᠠᠬᠢᠴᠠᠶᠢ ᠵᠠᠷᠯᠠᠪᠠ᠃ 《ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠠᠵᠤ ᠠᠬᠤᠢᠯᠠᠯᠤᠨ ᠡᠮ ᠡᠮᠨᠡᠯᠭᠡᠶᠢᠨ ᠨᠥᠬᠦᠪᠦᠷᠢ ᠳᠠᠭᠠᠳᠭᠠᠯᠢ ᠬᠡᠷᠡᠭᠵᠢᠭᠦᠯᠬᠦ ᠲᠤᠬᠠᠢ ᠵᠢᠯᠤᠭᠤᠳᠭᠤ ᠰᠠᠨᠠᠯ》᠂ ᠪᠦᠯᠦᠭᠯᠡᠯᠦᠨ ᠶᠡᠷᠦᠩᠬᠡᠢ ᠵᠠᠬᠢᠷᠭᠠᠨᠤ 2019 ᠣᠨᠤ ᠱᠠᠩᠨᠠᠯᠤᠨ ᠦᠷᠡ ᠪᠦᠲᠦᠮᠵᠢᠶᠢᠨ ᠴᠠᠯᠢᠩᠤᠨ ᠬᠤᠪᠢᠶᠠᠷᠢᠯᠠᠯᠲᠠᠶᠢᠨ ᠲᠥᠰᠦᠪ᠂ 《ᠮᠣᠩᠭᠤᠯ ᠳ᠋ᠢᠭᠢᠲ ᠰᠤᠷᠬᠤ ᠪᠢᠴᠢᠭᠦᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠ》ᠶᠢᠨ ᠲᠥᠰᠦᠪ᠂ 《ᠥᠪᠦᠷ ᠮᠣᠩᠭᠤᠯᠤᠨ ᠬᠡᠪᠯᠡᠯᠦᠨ ᠪᠦᠯᠦᠭᠯᠡᠯᠦᠨ ᠨᠣᠮ ᠬᠡᠪᠯᠡᠯᠦᠨ ᠠᠵᠢᠯᠤᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠲᠠᠪᠴᠠᠩ》 ᠪᠠᠢᠭᠤᠯᠬᠤ ᠲᠥᠰᠦᠪᠢ ᠬᠢᠨᠠᠨ ᠪᠠᠲᠤᠯᠠᠪᠠ᠃
ᠬᠤᠷᠠᠯᠤᠨ ᠡᠴᠦᠰᠲᠤ᠂ ᠠᠵᠢᠯᠲᠠᠨᠤ ᠡᠪᠯᠡᠯᠦᠨ ᠲᠡᠷᠢᠭᠦᠯᠡᠭᠴᠢ ᠮᠥᠩᠬᠡ ᠠᠵᠢᠯᠤᠨ ᠮᠡᠳᠡᠭᠦᠯᠦᠯᠲᠡ ᠬᠢᠵᠦ 2019 ᠣᠨᠤ ᠠᠵᠢᠯᠲᠠᠨᠤ ᠡᠪᠯᠡᠯᠦᠨ ᠠᠵᠢᠯᠢᠶᠠᠨ ᠡᠷᠭᠢᠴᠡᠭᠦᠯᠦᠨ᠂ 2020ᠤᠨᠤ ᠠᠵᠢᠯᠢᠶᠠᠨ ᠪᠠᠢᠷᠢᠯᠠᠭᠤᠯᠪᠠ᠃ ᠮᠡᠳᠡᠭᠦᠯᠦᠯᠲᠡᠳᠤ᠂ 2019 ᠣᠨᠳᠤ ᠪᠦᠯᠦᠭᠯᠡᠯᠦᠨ ᠠᠵᠢᠯᠲᠠᠨᠤ ᠡᠪᠯᠡᠯᠨᠢ ᠪᠦᠯᠦᠭᠯᠡᠯᠦᠨ ᠨᠠᠮᠤᠨ ᠬᠣᠷᠢᠶᠠᠨᠤ ᠤᠳᠤᠷᠢᠳᠤᠯᠭᠠ ᠳᠣᠤᠷᠠ᠂ ᠰᠢᠶᠢᠨ ᠫᠢᠩᠦᠨ ᠱᠢᠨᠡ ᠴᠠᠭ ᠦᠶᠡᠶᠢᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠣᠨᠴᠠᠯᠢᠭ ᠪᠦᠬᠦᠢ ᠨᠡᠢᠭᠡᠮ ᠵᠢᠷᠤᠮᠤᠨ ᠦᠵᠡᠯ ᠰᠠᠨᠠᠭᠠᠪᠠᠷ ᠵᠢᠯᠤᠭᠤᠳᠤᠯᠭᠠ ᠪᠣᠯᠭᠠᠵᠤ᠂ ᠨᠠᠮᠤᠨ ᠠᠷᠪᠠ ᠶᠢᠰᠦᠳᠦᠭᠡᠷ ᠶᠡᠬᠡ ᠬᠤᠷᠠᠯ ᠪᠣᠯᠤᠨ ᠠᠷᠪᠠ ᠶᠢᠰᠦᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠲᠥᠪ ᠬᠣᠷᠢᠶᠠᠨᠤ ᠬᠣᠶᠠᠳᠤᠭᠠᠷ᠂ ᠭᠤᠷᠪᠠᠳᠤᠭᠠᠷ᠂ ᠳᠥᠷᠪᠡᠳᠦᠭᠡᠷ ᠪᠥᠬᠦᠳᠡ ᠬᠤᠷᠠᠯᠤᠨ ᠵᠣᠷᠢᠭ ᠰᠠᠨᠠᠭᠠᠶᠢ ᠭᠦᠨᠵᠡᠭᠡᠢ ᠰᠤᠷᠤᠯᠴᠠᠨ ᠪᠠᠲᠤᠳᠠᠢ ᠲᠤᠭᠤᠱᠢᠯᠠᠭᠤᠯᠵᠤ᠂ ᠡᠯᠡ ᠲᠠᠯᠠᠶᠢᠨ ᠠᠵᠢᠯᠢ ᠯᠠᠪᠳᠠᠭᠤᠨ ᠪᠠᠲᠤᠲᠠᠢ ᠥᠷᠨᠢᠭᠦᠯᠦᠭᠰᠡᠨᠢᠶᠡᠷ ᠪᠦᠯᠦᠭᠯᠡᠯᠦᠨ ᠡᠶᠡ ᠵᠣᠬᠢᠴᠠᠩᠭᠤᠢ᠂ ᠡᠷᠡᠭᠦᠯ ᠡᠩᠬᠡ᠂ ᠪᠥᠬᠦ ᠲᠠᠯᠠᠶᠢᠨ ᠬᠥᠭᠵᠢᠯᠲᠡᠶᠢ ᠠᠬᠢᠭᠤᠯᠬᠤᠳᠤ ᠴᠢᠬᠤᠯᠠ ᠪᠠᠲᠤᠯᠠᠭᠠ ᠬᠠᠩᠭᠠᠪᠠ ᠭᠡᠵᠦ ᠳ᠋ᠦᠩᠨᠡᠯᠲᠡ ᠬᠢᠵᠦ᠂ ᠴᠢᠨᠠᠷ ᠰᠠᠢᠳᠠᠢ ᠬᠥᠭᠵᠢᠯᠲᠡ ᠵᠡᠷᠭᠡ ᠲᠠᠯᠠᠪᠠᠷ ᠪᠤᠲᠠᠲᠠᠢ ᠱᠠᠭᠠᠷᠳᠠᠯᠭᠠ ᠳᠤᠷᠠᠳᠴᠠᠢ᠃
ᠠᠵᠢᠯᠲᠠᠨᠤ ᠡᠪᠯᠡᠯᠦᠨ ᠲᠡᠷᠢᠭᠦᠯᠡᠭᠴᠢ ᠮᠥᠩᠬᠡ ᠶᠠᠷᠢᠶᠠᠨᠤᠪᠠᠨ ᠲᠡᠭᠦᠰᠭᠡᠯᠳᠤ᠂ 《ᠰᠢᠶᠢᠨ ᠫᠢᠩ ᠨᠥᠬᠦᠷᠢᠶᠡᠷ ᠭᠣᠤᠯ ᠪᠣᠯᠭᠠᠭᠰᠠᠨ ᠨᠠᠮᠤᠨ ᠲᠥᠪ ᠬᠣᠷᠢᠶᠠᠨᠤ ᠲᠣᠭᠤᠷᠢᠨᠳᠤ ᠨᠢᠭᠲᠠᠷᠠᠨ ᠪᠦᠯᠬᠦᠮᠳᠡᠵᠦ᠂ ᠪᠦᠯᠦᠭᠯᠡᠯᠦᠨ ᠭᠣᠤᠯᠯᠠᠬᠤ ᠦᠢᠯᠡᠰᠦᠨ ᠲᠣᠭᠤᠷᠢᠨᠳᠤ ᠠᠵᠢᠯᠲᠠᠨᠤ ᠡᠪᠯᠡᠯᠦᠨ ᠬᠥᠭᠦᠷᠭᠡ ᠬᠣᠯᠪᠤᠭᠠᠰᠤᠶᠢᠨ ᠦᠢᠯᠡᠳᠦᠯᠢ ᠭᠦᠢᠴᠡᠳ ᠪᠠᠳᠠᠷᠠᠭᠤᠯᠵᠤ᠂ ᠬᠦᠴᠢᠷᠢ ᠲᠤᠭᠤᠯᠤᠨ ᠪᠡᠷᠬᠡᠶᠢ ᠳᠠᠪᠠᠵᠤ᠂ ᠪᠦᠬᠦ ᠵᠢᠯᠦᠨ ᠠᠵᠢᠯᠤᠨ ᠬᠠᠷᠠᠯᠲᠠᠪᠠᠨ ᠪᠡᠶᠡᠯᠡᠭᠦᠯᠬᠦᠪᠠᠷ ᠲᠡᠮᠡᠴᠡᠨ᠂ ᠪᠦᠬᠦ ᠲᠠᠯᠠᠪᠠᠷ ᠴᠢᠨᠡᠭᠡᠯᠢᠭ ᠨᠡᠢᠭᠡᠮᠢ ᠪᠠᠢᠭᠤᠯᠬᠤ ᠱᠢᠢᠳᠪᠦᠷᠢᠲᠦ ᠢᠯᠠᠯᠲᠠᠶᠢ ᠤᠯᠬᠤᠳᠤ ᠨᠡᠩ ᠶᠡᠬᠡ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠬᠦᠪᠡᠷ ᠴᠢᠷᠮᠠᠢᠵᠠᠭᠠᠶᠠ》 ᠭᠡᠵᠦ ᠤᠷᠢᠶᠠᠯᠠᠪᠠ᠃
