ᠣᠢᠷᠠᠳᠤ᠂ ᠮᠠᠨᠤ ᠤᠯᠤᠰ ᠬᠠᠮᠤᠭᠤᠨ ᠱᠢᠨᠡ ᠬᠡᠪᠤᠨ ᠮᠤᠩᠭᠤᠯ ᠪᠢᠴᠢᠭᠤᠨ ᠠᠦ᠋ᠲ᠋ᠣ᠋ ᠬᠠᠷᠭᠤᠭᠤᠯᠭᠠᠶᠢᠨ ᠱᠢᠰᠲᠧᠮᠢ ᠠᠮᠵᠢᠯᠲᠠᠲᠠᠢ ᠰᠤᠲᠤᠯᠤᠨ ᠪᠦᠲᠦᠭᠡᠪᠡ᠃
ᠡᠨᠡᠬᠦ ᠬᠠᠮᠤᠭᠤᠨ ᠱᠢᠨᠡ ᠬᠡᠪᠤᠨ ᠮᠤᠩᠭᠤᠯ ᠪᠢᠴᠢᠭᠤᠨ ᠠᠦ᠋ᠲ᠋ᠣ᠋ ᠬᠠᠷᠭᠤᠭᠤᠯᠭᠠᠶᠢᠨ ᠱᠢᠰᠲᠧᠮᠢ ᠦᠪᠦᠷ ᠮᠤᠩᠭᠤᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠯᠤᠭᠯᠤ ᠫᠷᠤᠹᠧᠰᠰᠤᠷᠢᠶᠠᠷ ᠠᠬᠠᠯᠠᠭᠤᠯᠤᠭᠰᠠᠨ ᠪᠠᠭᠤᠨ ᠬᠠᠮᠲᠤ ᠤᠯᠠᠨᠡᠴᠡ ᠰᠤᠲᠤᠯᠤᠨ ᠪᠦᠲᠦᠭᠡᠪᠡ᠃ ᠲᠤᠰ ᠱᠢᠰᠲᠧᠮᠨᠢ ᠬᠠᠷᠭᠤᠭᠤᠯᠬᠤ᠂ ᠨᠠᠢᠷᠠᠭᠤᠯᠬᠤ᠂ ᠺᠣᠳ᠋ ᠬᠦᠷᠪᠡᠬᠦᠯᠬᠦ᠂ ᠯᠠᠲ᠋ᠢᠨ ᠭᠠᠯᠢᠭᠢᠶᠠᠷ ᠪᠠᠭᠤᠯᠭᠠᠬᠤ᠂ ᠦᠭᠡᠰᠤᠨ ᠵᠢᠭᠰᠠᠭᠠᠯᠲᠠ ᠬᠢᠬᠦ᠂ ᠦᠶᠠᠪᠡᠷ ᠰᠠᠯᠭᠠᠬᠤ᠂ ᠦᠭᠡ ᠦᠰᠦᠭᠢ ᠪᠦᠷᠢᠳᠭᠡᠬᠦ ᠵᠡᠷᠭᠡ 7 ᠵᠦᠢᠯᠤᠨ ᠴᠢᠲᠠᠮᠵᠢᠲᠠᠢ᠃
ᠤᠢᠯᠠᠭᠠᠭᠰᠠᠨᠢᠶᠠᠷ᠂ ᠮᠤᠩᠭᠤᠯ ᠪᠢᠴᠢᠭᠢ ᠮᠠᠱᠢᠨᠳᠤ ᠤᠷᠤᠭᠤᠯᠬᠤᠳᠤ ᠲᠦᠷᠢᠮᠵᠢᠯᠦᠭᠡᠢᠡᠴᠡ ᠱᠢᠯᠲᠠᠭᠠᠯᠠᠭᠲᠠᠭᠰᠠᠨ ᠲᠠᠭᠤᠲᠠᠯᠭᠠ ᠲᠠᠱᠢᠶᠠ ᠪᠢᠴᠢᠯᠭᠡᠶᠢ ᠠᠦ᠋ᠲ᠋ᠣ᠋ᠴᠢᠯᠠᠨ ᠵᠠᠯᠠᠷᠠᠭᠤᠯᠬᠤ ᠪᠠ ᠮᠡᠲᠡᠭᠡ ᠵᠠᠩᠬᠢᠶᠢᠨ ᠬᠠᠢᠯᠲᠠᠳᠤ ᠰᠠᠭᠤᠷᠢ ᠮᠡᠷᠭᠡᠵᠢᠯᠢ ᠬᠠᠩᠭᠠᠬᠤᠪᠡᠷ ᠯᠤᠭᠯᠤ ᠫᠷᠣᠹᠧᠰᠰᠣᠷᠤᠨ ᠪᠠᠭᠤᠨ ᠬᠠᠮᠲᠤ ᠤᠯᠠᠨᠡᠴᠡ ᠠᠩᠬᠠ 2006 ᠤᠨᠤ 4 ᠰᠠᠷᠠᠡᠴᠡ ᠡᠬᠢᠯᠡᠨ ᠮᠤᠩᠭᠤᠯ ᠪᠢᠴᠢᠭᠤᠨ ᠠᠦ᠋ᠲ᠋ᠣ᠋ ᠬᠠᠷᠭᠤᠭᠤᠯᠭᠠᠶᠢᠨ ᠱᠢᠰᠲᠧᠮᠢ ᠰᠤᠲᠤᠯᠵᠤ ᠠᠷᠪᠠ ᠭᠠᠷᠤᠢ ᠵᠢᠯᠤᠨ ᠱᠢᠷᠭᠠᠭᠤ ᠬᠠᠲᠠᠭᠤᠵᠢᠯᠲᠠᠢ ᠴᠢᠷᠮᠠᠢᠯᠭᠠᠪᠡᠷ ᠲᠠᠮᠵᠢᠨ ᠡᠨᠡᠬᠦ ᠬᠠᠮᠤᠭᠤᠨ ᠱᠢᠨᠡ ᠬᠡᠪᠤᠨ ᠮᠤᠩᠭᠤᠯ ᠪᠢᠴᠢᠭᠤᠨ ᠠᠦ᠋ᠲ᠋ᠣ᠋ ᠬᠠᠷᠭᠤᠭᠤᠯᠭᠠᠶᠢᠨ ᠱᠢᠰᠲᠧᠮᠢ ᠰᠤᠲᠤᠯᠤᠨ ᠪᠦᠲᠦᠭᠡᠭᠰᠡᠨ ᠪᠠᠢᠲᠠᠭ᠃
ᠬᠠᠮᠤᠭᠤᠨ ᠱᠢᠨᠡ ᠬᠡᠪᠤᠨ ᠮᠤᠩᠭᠤᠯ ᠪᠢᠴᠢᠭᠤᠨ ᠠᠦ᠋ᠲ᠋ᠣ᠋ ᠬᠠᠷᠭᠤᠭᠤᠯᠭᠠᠶᠢᠨ ᠱᠢᠰᠲᠧᠮᠨᠢ ᠮᠤᠩᠭᠤᠯ ᠪᠢᠴᠢᠭᠤᠨ ᠺᠤᠳ᠋ᠤᠨ ᠤᠯᠠᠨ ᠤᠯᠤᠰᠤᠨ ᠪᠠᠷᠢᠮᠵᠢᠶᠠ ᠪᠤᠶᠤ ᠤᠯᠤᠰᠤᠨ ᠪᠠᠷᠢᠮᠵᠢᠶᠠ᠂ ᠮᠤᠩᠭᠤᠯ ᠪᠢᠴᠢᠭᠤᠨ ᠪᠠᠷᠢᠮᠵᠢᠶᠠ᠂ ᠮᠤᠩᠭᠤᠯ ᠪᠢᠴᠢᠭᠤᠨ ᠲᠠᠩ ᠦᠭᠡᠶᠢᠨ ᠬᠡᠯᠪᠡᠷᠢ ᠲᠦᠷᠰᠦᠨᠤ ᠲᠦᠷᠢᠮᠵᠢᠯᠤᠨ ᠤᠯᠤᠰᠤᠨ ᠪᠠᠷᠢᠮᠵᠢᠶᠠ (ᠦᠨᠳᠦᠰᠦᠨ ᠬᠡᠰᠡᠭ)᠂ ᠮᠤᠩᠭᠤᠯ ᠪᠢᠴᠢᠭᠤᠨ ᠯᠠᠲ᠋ᠢᠨ ᠭᠠᠯᠢᠭᠢᠶᠡᠷ ᠪᠠᠭᠤᠯᠭᠠᠵᠤ ᠪᠢᠴᠢᠬᠦ ᠤᠯᠠᠨ ᠤᠯᠤᠰᠤᠨ ᠬᠠᠮᠲᠤᠷᠠᠭᠰᠠᠨ ᠲᠦᠰᠦᠯ᠂ ᠮᠤᠩᠭᠤᠯ ᠪᠢᠴᠢᠭᠢ ᠯᠠᠲ᠋ᠢᠨ ᠭᠠᠯᠢᠭᠢᠶᠡᠷ ᠪᠠᠭᠤᠯᠭᠠᠵᠤ ᠪᠢᠴᠢᠬᠦ ᠦᠪᠦᠷ ᠮᠤᠩᠭᠤᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠲᠦᠰᠦᠯ᠂ ᠮᠤᠩᠭᠤᠯ ᠪᠢᠴᠢᠭᠢ ᠴᠠᠭᠠᠨ ᠲᠤᠯᠤᠭᠠᠢᠶᠢᠨ ᠲᠠᠷᠠᠭᠠᠯᠠᠯᠢᠶᠡᠷ ᠵᠢᠭᠰᠠᠭᠠᠬᠤ ᠤᠯᠤᠰᠤᠨ ᠪᠠᠷᠢᠮᠵᠢᠶᠠ ᠵᠡᠷᠭᠡᠶᠢ ᠴᠢᠩᠭᠠ ᠵᠢᠷᠤᠮᠯᠠᠲᠠᠭ; ᠤᠯᠠᠨ ᠵᠦᠢᠯᠤᠨ ᠺᠣᠳ᠋ (ᠤᠯᠠᠨ ᠤᠯᠤᠰᠤᠨ ᠪᠠᠷᠢᠮᠵᠢᠶᠠ ᠺᠤᠳ᠋᠂ ᠮᠦᠩᠬᠡ ᠭᠠᠯ ᠺᠤᠳ᠋᠂ ᠹᠠᠩ ᠵᠧᠩ ᠺᠣᠳ᠋ ᠵᠡᠷᠭᠡ)ᠢ ᠬᠡᠷᠡᠭᠯᠡᠵᠦ ᠪᠤᠯᠤᠨᠠ; ᠤᠯᠠᠨ ᠵᠦᠢᠯᠤᠨ ᠮᠠᠲᠧᠷᠢᠶᠠᠯᠤᠨ ᠬᠡᠯᠪᠡᠷᠢᠶᠢ ᠲᠡᠮᠵᠢᠵᠦ ᠬᠠᠷᠭᠤᠭᠤᠯᠬᠤ ᠤᠨᠤᠪᠴᠢᠶᠢᠨ ᠬᠡᠮᠵᠢᠶᠠ ᠦᠨᠳᠦᠷ᠂ ᠡᠭᠦᠨᠳᠤ ᠲᠦᠷᠰᠤ ᠲᠠᠱᠢᠶᠠ ᠪᠢᠴᠢᠯᠭᠡᠶᠢ ᠪᠠᠢᠴᠠᠭᠠᠵᠤ ᠤᠯᠬᠤ ᠲᠤᠮᠲᠠᠴᠢ ᠤᠨᠤᠪᠴᠢᠶᠢᠨ ᠬᠡᠮᠵᠢᠶᠠᠨᠢ 90%ᠡᠴᠡ ᠲᠡᠭᠡᠭᠱᠢ᠂ ᠲᠠᠭᠤᠲᠠᠯᠭᠠ ᠲᠠᠱᠢᠶᠠ ᠪᠢᠴᠢᠯᠭᠡᠶᠢ ᠪᠠᠢᠴᠠᠭᠠᠵᠤ ᠤᠯᠬᠤ ᠲᠤᠮᠲᠠᠴᠢ ᠤᠨᠤᠪᠴᠢᠶᠢᠨ ᠬᠡᠮᠵᠢᠶᠠᠨᠢ 97%ᠡᠴᠡ ᠲᠡᠭᠡᠭᠱᠢ᠂ ᠲᠠᠭᠤᠲᠠᠯᠭᠠ ᠲᠠᠱᠢᠶᠠ ᠪᠢᠴᠢᠯᠭᠡᠶᠢ ᠠᠦ᠋ᠲ᠋ᠣ᠋ᠴᠢᠯᠠᠨ ᠵᠠᠯᠠᠷᠠᠭᠤᠯᠬᠤ ᠲᠤᠮᠲᠠᠴᠢ ᠤᠨᠤᠪᠴᠢᠶᠢᠨ ᠬᠡᠮᠵᠢᠶᠠᠨᠢ 98%ᠡᠴᠡ ᠲᠡᠭᠡᠭᠱᠢ ᠬᠦᠷᠲᠡᠭ᠃ ᠪᠠᠰᠠ ᠲᠦᠷᠰᠦ ᠢᠵᠢᠯᠢ ᠲᠠᠭᠤᠲᠠᠯᠭᠠ ᠤᠨᠲᠤᠤ ᠦᠭᠡᠶᠢ ᠠᠦ᠋ᠲ᠋ᠣ᠋ᠴᠢᠯᠠᠨ ᠲᠠᠨᠢᠬᠤ ᠲᠤᠮᠲᠠᠴᠢ ᠤᠨᠤᠪᠴᠢᠶᠢᠨ ᠬᠡᠮᠵᠢᠶᠠᠨᠢ 86%ᠳᠤ ᠬᠦᠷᠦᠭᠰᠡᠨ ᠪᠠᠢᠲᠠᠭ; ᠦᠷᠬᠦᠯᠵᠢ ᠬᠡᠷᠡᠭᠯᠡᠬᠦ ᠮᠤᠩᠭᠤᠯ ᠪᠢᠴᠢᠭᠤᠨ ᠺᠤᠳ᠋ᠤᠳᠤᠨ ᠬᠤᠭᠤᠷᠤᠨᠲᠤ ᠬᠤᠤᠰ ᠴᠢᠭᠯᠡᠯᠤᠨ ᠬᠦᠷᠪᠡᠬᠦᠯᠭᠡᠶᠢᠨ ᠴᠢᠲᠠᠮᠵᠢᠲᠠᠢ ᠪᠦᠭᠡᠳ ᠬᠡᠷᠡᠭᠯᠡᠭᠴᠢᠶᠢᠨ ᠵᠤᠯᠭᠠᠴᠠᠨᠢ ᠬᠤᠲᠤᠮ ᠮᠤᠩᠭᠤᠯ ᠪᠢᠴᠢᠭ᠂ ᠺᠢᠷᠢᠯ ᠮᠤᠩᠭᠤᠯ ᠪᠢᠴᠢᠭ᠂ ᠠᠩᠭᠯᠢ ᠪᠢᠴᠢᠭ᠂ ᠬᠢᠲᠠᠳ ᠪᠢᠴᠢᠭᠤᠨ ᠬᠢᠯᠪᠠᠷᠴᠢᠯᠠᠭᠰᠠᠨ ᠦᠰᠦᠭ ᠪᠤᠯᠤᠨ ᠬᠢᠯᠪᠠᠷᠴᠢᠯᠠᠭᠲᠠᠭᠠᠦᠭᠡᠢ ᠦᠰᠦᠭᠢ ᠲᠡᠮᠵᠢᠲᠡᠭ ᠮᠤᠩᠭᠤᠯ ᠬᠡᠯᠡᠨᠤ ᠮᠡᠲᠡᠭᠡ ᠵᠠᠩᠭᠢᠵᠢᠯᠲᠡᠳᠤ ᠵᠤᠷᠢᠭᠤᠯᠤᠭᠰᠠᠨ ᠤᠯᠠᠨ ᠵᠦᠢᠯᠤᠨ ᠬᠠᠪᠰᠤᠷᠤᠯᠲᠠ ᠴᠢᠲᠠᠮᠵᠢᠲᠠᠢᠪᠡᠷ ᠤᠨᠴᠠᠯᠠᠭᠲᠠᠨᠠ᠃
《ᠮᠤᠩᠭᠤᠯ ᠪᠢᠴᠢᠭᠤᠨ ᠠᠦ᠋ᠲ᠋ᠣ᠋ ᠬᠠᠷᠭᠤᠭᠤᠯᠭᠠᠶᠢᠨ ᠱᠢᠰᠲᠧᠮᠢ ᠱᠢᠨᠡᠴᠢᠯᠡᠨ ᠲᠡᠭᠦᠯᠲᠡᠷᠵᠢᠬᠦᠯᠵᠦ ᠪᠤᠢ᠂ ᠢᠷᠡᠭᠡᠲᠦᠢᠳᠤ ᠦᠭᠦᠯᠡᠪᠦᠷᠢ ᠵᠦᠢᠶᠢᠨ ᠬᠠᠷᠭᠤᠭᠤᠯᠭᠠ ᠪᠤᠯᠤᠨ ᠦᠭᠡᠶᠢᠨ ᠤᠳᠬᠠᠶᠢᠨ ᠬᠠᠷᠭᠤᠭᠤᠯᠭᠠᠶᠢᠨ ᠴᠢᠲᠠᠮᠵᠢᠲᠠᠢ ᠪᠤᠯᠭᠠᠬᠤ ᠪᠤᠯᠤᠨᠠ》 ᠭᠡᠵᠦ ᠦᠪᠦᠷ ᠮᠤᠩᠭᠤᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠫᠷᠤᠹᠧᠰᠰᠤᠷ ᠯᠤᠭᠯᠤ ᠶᠠᠷᠢᠨᠠ᠃
ᠱᠢᠨᠬᠤᠸᠠ ᠮᠣᠩᠭᠤᠯ ᠨᠸᠲᠡᠴᠡ ᠱᠢᠯᠵᠢᠭᠦᠯᠦᠨ ᠨᠡᠢᠲᠡᠯᠡᠪᠡ
