ᠥᠪᠦᠷ ᠮᠣᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨ ᠪᠠᠢᠭᠤᠯᠤᠭᠳᠠᠭᠰᠠᠨ 72 ᠵᠢᠯ ᠪᠣᠯᠵᠤ ᠪᠠᠢᠭᠠ ᠥᠨᠦᠳᠦᠷ ᠥᠪᠦᠷ ᠮᠣᠩᠭᠤᠯᠴᠤᠳ 《ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨ》 ᠭᠡᠬᠦ ᠦᠭᠡᠶᠢ ᠡᠳᠦᠷ ᠪᠦᠷᠢ ᠴᠢᠬᠢᠪᠡᠷᠢᠶᠡᠨ ᠰᠣᠨᠤᠰᠴᠤ᠂ ᠨᠢᠳᠦᠪᠠᠷᠢᠶᠠᠨ ᠬᠠᠷᠠᠬᠤ ᠪᠥᠭᠡᠲᠡᠯᠡ ᠶᠠᠭ 《ᠥᠪᠦᠷ ᠮᠣᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨ》 ᠪᠠᠢᠭᠤᠯᠤᠭᠳᠠᠭᠰᠠᠨ ᠡᠨᠡᠬᠦ ᠲᠡᠦᠬᠡᠨ ᠴᠠᠭ ᠦᠶᠡᠲᠠᠢ ᠬᠣᠯᠪᠤᠭᠳᠠᠭᠰᠠᠨ 《ᠭᠤᠷᠪᠠᠨ ᠦᠭᠡ》 ᠣᠷᠴᠢᠨ ᠴᠠᠭᠤᠨ ᠮᠣᠩᠭᠤᠯ ᠬᠡᠯᠡᠨᠳᠤ ᠣᠨᠴᠠᠭᠠᠢ ᠪᠢᠴᠢᠯᠭᠡᠪᠡᠷ ᠪᠢᠴᠢᠭᠳᠡᠭᠰᠡᠨ ᠳᠠᠯᠠ ᠭᠠᠷᠤᠢ ᠵᠢᠯ ᠪᠣᠯᠤᠭᠰᠠᠨᠴᠤ ᠠᠩᠬᠠᠷᠤᠯᠳᠤᠪᠠᠨ ᠠᠪᠴᠤ ᠪᠠᠢᠭᠠ ᠬᠥᠮᠦᠨ ᠮᠠᠱᠢ ᠴᠦ᠋ᠬᠡᠨ ᠪᠠᠢᠬᠤ ᠪᠤᠶᠤ ᠢᠷᠡᠯ ᠭᠠᠷᠤᠯᠢᠨᠢ ᠣᠮᠳᠤᠭᠠᠢᠯᠠᠵᠤ ᠪᠠᠢᠭᠠᠶᠤᠮ ᠪᠠᠢᠨᠠ᠂ ᠡᠭᠦᠨᠤ ᠳ᠋ᠦᠩᠳᠤ ᠪᠢᠴᠢᠯᠭᠡᠶᠢᠨ ᠰᠠᠮᠠᠭᠤᠷᠠᠯ ᠪᠣᠯᠵᠤ ᠪᠠᠢᠭᠠ ᠪᠠᠢᠳᠠᠯᠳᠤ ᠴᠢᠭᠯᠡᠭᠦᠯᠦᠨ ᠬᠡᠳᠦᠨ ᠦᠭᠡ ᠶᠠᠷᠢᠰᠤᠭᠠᠢ᠃
ᠡᠨᠳᠡ ᠶᠠᠷᠢᠵᠤ ᠪᠠᠢᠭᠠ 《ᠭᠤᠷᠪᠠᠨ ᠦᠭᠡ》 ᠭᠡᠳᠡᠭᠨᠢ ᠮᠠᠤ ᠽᠸ ᠳ᠋ᠦᠩ ᠲᠡᠷᠢᠭᠦᠯᠡᠭᠴᠢᠶᠢᠨ 《ᠮᠠᠤ》 ᠂ ᠤᠯᠠᠭᠠᠨᠬᠦᠦ ᠲᠡᠷᠢᠭᠦᠯᠡᠭᠴᠢᠶᠢᠨ 《ᠤᠯᠠᠭᠠᠨᠬᠦᠦ》 ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨᠤ 《ᠥᠪᠡᠷᠲᠡᠭᠡᠨ》 ᠭᠡᠬᠦ ᠭᠤᠷᠪᠠᠨ ᠦᠭᠡ ᠪᠣᠯᠤᠨᠠ᠃ ᠡᠨᠡ ᠭᠤᠷᠪᠠᠨ ᠦᠭᠡᠨᠢ ᠣᠷᠴᠢᠨ ᠴᠠᠭᠤᠨ ᠮᠣᠩᠭᠤᠯ ᠬᠡᠯᠡᠨᠤ ᠪᠢᠴᠢᠯᠭᠡᠶᠢᠨ ᠣᠨᠤᠯ ᠳᠦᠷᠢᠮᠵᠢᠯᠲᠠᠢ ᠡᠰᠡ ᠨᠡᠢᠴᠡᠬᠦᠨᠢ ᠮᠡᠳᠡᠭᠡᠵᠢᠶᠢᠨ ᠬᠡᠷᠡᠭ᠃ ᠭᠡᠪᠡᠴᠦ ᠬᠡᠨ᠂ ᠬᠡᠵᠢᠶᠡ᠂ ᠶᠠᠮᠠᠷ ᠤᠴᠢᠷᠠᠴᠠ᠂ ᠠᠯᠢ ᠨᠢᠭᠡᠨ ᠱᠢᠢᠳᠪᠦᠷᠢ ᠲᠣᠭᠲᠠᠭᠠᠯᠢᠶᠠᠷ ᠪᠠᠲᠤᠯᠠᠭᠠᠳ ᠢᠩᠭᠢᠵᠦ ᠪᠢᠴᠢᠬᠦ ᠪᠣᠯᠤᠯᠠ ᠭᠡᠰᠡᠨ ᠲᠡᠦᠬᠡᠨ ᠡᠬᠡ ᠪᠠᠷᠢᠮᠲᠠᠶᠢ ᠣᠳᠤ ᠤᠯᠬᠤᠳᠤ ᠮᠠᠱᠢ ᠪᠡᠷᠬᠡ ᠪᠣᠯᠵᠤ᠂ ᠮᠥᠨ ᠢᠩᠭᠢᠵᠦ ᠪᠢᠴᠢᠭᠳᠡᠭᠰᠡᠭᠡᠷ ᠢᠷᠡᠭᠰᠡᠨᠨᠢ ᠦᠨᠡᠨ ᠤᠴᠢᠷ ᠪᠤᠳᠠᠳᠦ ᠪᠠᠢᠳᠠᠯ ᠪᠣᠯᠤᠭᠰᠠᠨᠠᠴᠠ ᠬᠡᠨᠴᠦ ᠥᠭᠡᠷᠡᠴᠢᠯᠡᠬᠦᠶᠢᠨ ᠠᠷᠭᠠᠦᠭᠡᠢ ᠪᠣᠯᠵᠠᠢ᠃ ᠡᠢᠮᠦᠡᠴᠡ ᠡᠨᠡᠬᠦ 《ᠭᠤᠷᠪᠠᠨ ᠦᠭᠡ》 ᠶᠢᠨ ᠪᠢᠴᠢᠯᠭᠡᠨᠢ ᠡᠨᠡ 《ᠭᠤᠷᠪᠠᠨ》 ᠳᠤᠯᠠ ᠵᠣᠷᠢᠭᠤᠯᠤᠭᠰᠠᠨ ᠣᠨᠴᠠᠭᠠᠢ ᠪᠢᠴᠢᠯᠭᠡ ᠭᠡᠰᠡᠨ ᠦᠭᠡ᠃ ᠥᠭᠡᠷᠡ ᠭᠠᠵᠠᠷ ᠬᠡᠷᠡᠭᠯᠡᠪᠡᠯ ᠪᠢᠴᠢᠯᠭᠡᠶᠢᠨ ᠰᠠᠮᠠᠭᠤᠷᠠᠯ ᠡᠭᠦᠰᠭᠡᠬᠦᠨᠢ ᠯᠠᠪᠲᠠᠢ᠃
ᠡᠨᠡᠬᠦ 《ᠭᠤᠷᠪᠠᠨ ᠦᠭᠡ》 ᠶᠢᠨ ᠪᠢᠴᠢᠯᠭᠡᠶᠢ ᠣᠷᠴᠢᠨ ᠴᠠᠭᠤᠨ ᠮᠣᠩᠭᠤᠯ ᠬᠡᠯᠡᠨᠤ ᠵᠦᠢᠶᠢᠨ ᠣᠨᠤᠯ ᠪᠠ ᠬᠠᠮᠢᠶᠠ ᠪᠦᠬᠦᠢ ᠳᠦᠷᠢᠮᠵᠢᠯ ᠪᠠᠷᠢᠮᠵᠢᠶᠠᠲᠠᠢ ᠬᠣᠯᠪᠤᠭᠳᠠᠭᠤᠯᠤᠨ ᠱᠢᠨᠵᠢᠯᠡᠵᠤ ᠦᠵᠡᠪᠡᠯ᠄
ᠬᠢᠲᠠᠳ ᠬᠡᠯᠡᠨᠤ ᠳᠠᠩ ᠦᠭᠡᠶᠢ ᠮᠣᠩᠭᠤᠯ ᠦᠰᠦᠭᠢᠶᠡᠷ ᠪᠠᠭᠤᠯᠭᠠᠨ ᠪᠢᠴᠢᠬᠦᠳᠤ 《mao》 ᠶᠢ 《ᠮᠣᠤ》 ᠭᠡᠵᠦ ᠨᠢᠭᠡᠳᠭᠡᠨ ᠪᠢᠴᠢᠬᠦᠪᠡᠷ ᠳᠦᠷᠢᠮᠵᠢᠭᠦᠯᠦᠭᠰᠡᠨ ᠪᠠᠢᠳᠠᠭ᠃ ᠡᠢᠮᠦᠡᠴᠡ 《ᠮᠠᠤ》 ᠶᠢ ᠭᠠᠭᠴᠠᠬᠠᠨ ᠮᠠᠤ ᠽᠸ ᠳ᠋ᠦᠩ ᠲᠡᠷᠢᠭᠦᠯᠡᠭᠴᠢᠶᠢᠨᠨᠡᠷᠡᠶᠢ ᠪᠢᠴᠢᠬᠦᠳᠤᠯᠠ ᠬᠡᠷᠡᠭᠯᠡᠨᠡ᠃ ᠥᠭᠡᠷᠡᠪᠡᠷ ᠬᠡᠯᠡᠪᠡᠯ ᠠᠳᠠᠯᠢᠬᠠᠨ 《毛泽东》 ᠭᠡᠰᠡᠨᠨᠡᠷᠡᠲᠠᠢ ᠬᠥᠮᠦᠨ ᠪᠠᠢᠭᠰᠠᠨᠴᠦ 《ᠮᠠᠤ》 ᠬᠡᠮᠡᠨ ᠪᠢᠴᠢᠵᠦ ᠦᠯᠦ ᠪᠣᠯᠤᠨᠠ᠃ ᠨᠢᠭᠡᠨᠲᠡ ᠬᠡᠪᠯᠡᠭᠳᠡᠭᠰᠡᠨ ᠨᠣᠮ ᠳᠡᠭᠡᠷᠡ 《ᠵᠣᠬᠢᠶᠠᠯᠴᠢ ᠮᠠᠤ ᠳ᠋ᠦᠨ (矛盾) 》 ᠭᠡᠵᠦ ᠪᠢᠴᠢᠭᠰᠡᠨᠨᠢ ᠱᠠᠯ ᠪᠤᠷᠤᠭᠤᠳᠠᠭᠰᠠᠨ ᠶᠠᠪᠤᠳᠠᠯ ᠪᠣᠯᠬᠤᠶᠤᠮ᠃
ᠵᠠᠯᠭᠠᠮᠠᠯ ᠦᠰᠦᠭᠦᠨᠨᠡᠷᠡᠶᠢ ᠳᠡᠯᠡᠬᠡᠢ ᠨᠡᠢᠲᠡᠶᠢᠨ ᠵᠤᠷᠱᠢᠯ᠂ ᠤᠯᠤᠰᠤᠨ ᠲᠣᠭᠲᠠᠭᠠᠯᠢᠶᠠᠷ ᠪᠣᠯ ᠵᠠᠯᠭᠠᠵᠤ ᠪᠢᠴᠢᠳᠡᠭ᠃ ᠭᠡᠬᠦᠳᠤ ᠮᠣᠩᠭᠤᠯᠨᠡᠷᠡᠶᠢ ᠵᠠᠯᠭᠠᠵᠤ ᠪᠢᠴᠢᠬᠦᠳᠤᠪᠠᠨ ᠴᠢᠩᠭᠠ ᠬᠥᠨᠳᠡᠢ ᠦᠭᠡᠶᠢ ᠬᠣᠭᠤᠷᠤᠨᠳᠤᠨᠢ ᠵᠠᠯᠭᠠᠵᠤ ᠪᠢᠴᠢᠬᠦ ᠪᠤᠶᠤ ᠡᠰᠡᠭᠦᠯᠡ ᠴᠢᠩᠭᠠ ᠪᠠ ᠬᠥᠨᠳᠡᠢ ᠦᠭᠡᠶᠢ ᠵᠠᠯᠭᠠᠵᠤ ᠪᠢᠴᠢᠬᠦᠳᠤ ᠴᠥᠮ ᠤᠤᠯ ᠦᠭᠡᠶᠢᠨ ᠡᠯᠸᠮᠸᠨ᠋ᠲᠤ᠋ᠳᠢ ᠣᠷᠬᠢᠭᠳᠠᠭᠤᠯᠤᠯᠦᠭᠡᠢ ᠵᠠᠯᠭᠠᠵᠤ ᠪᠢᠴᠢᠳᠡᠭ᠃ ᠵᠢᠱ᠌ᠢᠶᠡᠯᠡᠪᠡᠯ᠂ 《ᠳᠠᠯᠠᠢ+ᠳᠦᠭᠦᠷᠡᠩ ᠳᠠᠯᠠᠢᠳᠦ᠋ᠭᠦᠷᠡᠩ》 《ᠠᠯᠲᠠᠨ+ᠰᠦᠬᠡ ᠠᠯᠲᠠᠨᠰᠦ᠋ᠬᠡ》 《ᠬᠡᠱᠢᠭ+ ᠵᠢᠷᠭᠠᠯ ᠬᠡᠱᠢᠭᠵᠢᠷᠭᠠᠯ》 ᠭᠡᠬᠦ ᠮᠡᠲᠦ᠃ ᠭᠡᠲᠡᠯᠡ ᠭᠠᠭᠴᠠᠬᠦ 《ᠤᠯᠠᠭᠠᠨ+ᠬᠦᠤ ᠤᠯᠠᠭᠠᠨᠬᠦᠦ》 《ᠬᠦᠤ》ᠶᠢᠨ ᠱᠢᠯᠪᠢᠨᠢ ᠭᠡᠭᠡᠭᠳᠡᠭᠡᠳ ᠳᠦᠷᠢᠮᠵᠢᠯᠡᠴᠡ ᠵᠥᠷᠢᠴᠡᠭᠰᠡᠨ ᠣᠨᠴᠠᠭᠠᠢ ᠪᠢᠴᠢᠯᠭᠡ ᠪᠣᠯᠵᠠᠢ᠃ ᠣᠳᠤ ᠪᠣᠯᠬᠤᠳᠤ 《ᠬᠦᠤ》 ᠪᠣᠯᠭᠠᠨᠨᠢ ᠱᠢᠯᠪᠢᠦᠭᠡᠢ ᠪᠢᠴᠢᠭᠳᠡᠬᠦ ᠪᠣᠯᠤᠭᠰᠠᠨᠨᠢ ᠭᠠᠢᠬᠠᠯᠲᠠᠢ᠃ 《ᠬᠠᠷᠠᠬᠦᠤ᠂ ᠪᠤᠷᠤᠬᠦᠤ᠂ ᠱᠢᠷᠠᠬᠦᠤ᠂ ᠬᠤᠷᠴᠢᠨᠬᠦᠤ᠂ ᠬᠠᠷᠠᠴᠢᠨᠬᠦᠤ᠂ ᠮᠤᠩᠭᠤᠯᠬᠦᠤ》 ᠭᠡᠵᠦ ᠪᠢᠴᠢᠬᠦᠨᠢ ᠬᠤᠪᠢ ᠬᠥᠮᠦᠨᠨᠡᠷᠡᠪᠠᠨ ᠶᠠᠭᠠᠬᠢᠵᠤ ᠪᠢᠴᠢᠬᠦᠶᠢ ᠬᠦᠨᠳᠦᠳᠭᠡᠵᠦ ᠪᠠᠢᠭᠠ ᠬᠡᠳᠦᠢᠴᠦ᠂ ᠡᠢᠮᠦ ᠳᠦᠷᠢᠮ ᠲᠣᠭᠲᠠᠭᠠᠯ᠂ ᠪᠠᠷᠢᠮᠵᠢᠶᠠ ᠪᠠᠢᠳᠠᠭ ᠪᠣᠯᠪᠠᠤᠤ ᠭᠡᠳᠡᠭᠢ ᠪᠣᠳᠤᠭᠤᠱᠢᠲᠠᠢ᠃ ᠬᠥᠮᠦᠨ ᠪᠣᠯᠭᠠᠨ ᠥᠪᠡᠷᠦᠨᠨᠡᠷᠡᠪᠡᠨ ᠥᠪᠡᠷᠦᠨ ᠳᠤᠷᠠᠱᠢᠯᠢᠶᠠᠷᠢᠶᠠᠨ ᠦᠰᠦᠭ ᠵᠤᠬᠢᠶᠠᠵᠦ ᠪᠢᠴᠢᠪᠡᠯ ᠶᠠᠮᠠᠷ ᠪᠠᠢᠳᠠᠯ ᠪᠣᠯᠳᠠᠭ ᠪᠣᠯ?
《ᠥᠪᠡᠷᠲᠡᠭᠡᠨ ᠵᠠᠰᠠᠬᠤ》 ᠭᠡᠳᠡᠭᠦᠨ ᠤᠤᠯ ᠤᠳᠭᠠᠨᠢ 《ᠥᠪᠡᠷᠢᠶᠡᠨ ᠵᠠᠰᠠᠬᠤ》 ᠭᠡᠰᠡᠨ ᠤᠳᠭᠠᠲᠠᠢ ᠪᠠᠢᠬᠤ ᠶᠣᠰᠤᠲᠠᠢ᠃ ᠳᠡᠭᠡᠷᠡ ᠵᠠᠭᠤᠨᠤ ᠳᠥᠴᠢᠭᠡᠳ ᠣᠨᠤ ᠰᠡᠭᠦᠯᠴᠢ᠂ ᠲᠠᠪᠢᠭᠠᠳ ᠣᠨᠤ ᠡᠬᠢᠪᠡᠷ ᠵᠠᠷᠢᠮ ᠨᠣᠮ ᠰᠡᠳᠭᠦᠯ᠂ ᠳᠠᠩᠰᠠ ᠡᠪᠬᠡᠮᠡᠯᠳᠤ ᠡᠨᠡᠬᠦ ᠤᠳᠭᠠᠪᠡᠷ 《ᠥᠪᠡᠰᠦᠪᠡᠨ ᠵᠠᠰᠠᠬᠤ》 ᠭᠡᠵᠦ ᠪᠢᠴᠢᠭᠳᠡᠵᠦ ᠪᠠᠢᠭᠰᠠᠨ ᠪᠠᠢᠯᠠ᠃ ᠵᠢᠱ᠌ᠢᠶᠡᠯᠡᠪᠡᠯ᠄ 《ᠣᠲᠤᠭ ᠬᠣᠱᠢᠭᠤᠨᠤ ᠥᠪᠡᠰᠦᠪᠡᠨ ᠵᠠᠰᠠᠬᠤ ᠵᠠᠰᠠᠭᠤᠨ ᠭᠠᠵᠠᠷ》 ᠭᠡᠬᠦ ᠮᠡᠲᠦ᠃ ᠰᠡᠭᠦᠯᠴᠢᠶᠢᠨ ᠦᠶᠡᠳᠤ ᠴᠥᠮ 《ᠥᠪᠡᠷᠲᠡᠭᠡᠨ ᠵᠠᠰᠠᠬᠤ》 ᠬᠡᠮᠡᠨ ᠨᠢᠭᠡᠳᠭᠡᠨ ᠪᠢᠴᠢᠭᠡᠳ ᠣᠳᠤ ᠪᠣᠯᠤᠭᠰᠠᠨ ᠪᠠᠢᠳᠠᠭ᠃ 《ᠥᠪᠡᠷᠲᠡᠭᠡᠨ》 ᠭᠡᠬᠦ ᠪᠢᠴᠢᠯᠭᠡᠨᠢ 《ᠥᠪᠡᠷ+ᠲᠤ (ᠥᠭᠬᠦ ᠤᠷᠤᠱᠢᠬᠤᠶᠢᠨ ᠳᠠᠭᠠᠪᠦᠷᠢ) +ᠪᠠᠨ (ᠶᠡᠷᠦᠩᠬᠡᠢᠯᠡᠨ ᠬᠠᠮᠢᠶᠠᠳᠠᠭᠤᠯᠬᠤ ᠨᠥᠬᠦᠴᠡᠯ) 》ᠤ ᠵᠠᠯᠭᠠᠮᠠᠯ ᠪᠢᠴᠢᠯᠭᠡ ᠪᠣᠯᠬᠤᠶᠤᠮ᠃ ᠡᠭᠦᠨᠢ ᠤᠳᠭᠠ ᠪᠤᠶᠤ ᠪᠢᠴᠢᠯᠭᠡᠶᠢᠨ ᠠᠯᠢ ᠲᠠᠯᠠᠠᠴᠠᠨᠢ ᠱᠢᠨᠵᠢᠯᠡᠭᠰᠡᠨᠴᠦ ᠣᠨᠴᠠᠭᠠᠢ ᠪᠢᠴᠢᠯᠭᠡᠯᠠ ᠭᠡᠵᠦ ᠦᠵᠡᠨᠡ᠃ ᠥᠭᠡᠷᠡᠪᠡᠷ ᠬᠡᠯᠡᠪᠡᠯ ᠵᠠᠰᠠᠭ ᠵᠠᠬᠢᠷᠭᠠᠨᠤ ᠪᠠᠢᠭᠤᠯᠤᠮᠵᠢᠶᠢᠨ ᠲᠤᠰᠭᠠᠢᠨᠡᠷᠡ ᠪᠣᠯᠵᠤ ᠬᠡᠪᠱᠢᠭᠰᠡᠨ ᠪᠠᠢᠨᠠ᠃ ᠣᠳᠤ ᠬᠠᠷᠢᠨ 《ᠪᠠᠭᠱᠢᠨᠠᠷ ᠥᠪᠡᠷᠢᠶᠡᠨ ᠪᠡᠯᠡᠳᠭᠡᠬᠦᠪᠡᠷ ᠲᠣᠭᠲᠠᠪᠠ》 ᠂ 《ᠥᠪᠡᠷᠢᠶᠡᠨ ᠰᠤᠷᠬᠤ ᠪᠢᠴᠢᠭ》 ᠭᠡᠰᠡᠨᠢ 《ᠪᠠᠭᠱᠢᠨᠠᠷ ᠥᠪᠡᠷᠲᠡᠭᠡᠨ ᠪᠡᠯᠡᠳᠭᠡᠬᠦᠪᠡᠷ ᠲᠣᠭᠲᠠᠪᠠ》 《ᠥᠪᠡᠷᠲᠡᠭᠡᠨ ᠰᠤᠷᠬᠤ ᠪᠢᠴᠢᠭ》 ᠭᠡᠬᠦᠴᠢᠯᠡᠨ ᠪᠢᠴᠢᠬᠦ ᠦᠵᠡᠭᠳᠡᠯ ᠮᠠᠷ ᠰᠠᠷ ᠬᠠᠷᠠᠭᠳᠠᠵᠦ ᠪᠠᠢᠨᠠ᠃
ᠡᠨᠡᠬᠦ 《ᠭᠤᠷᠪᠠᠨ ᠦᠭᠡ》ᠶᠢ ᠥᠭᠡᠷᠡ ᠥᠭᠦᠯᠡᠪᠦᠷᠢᠶᠢᠨ ᠣᠷᠴᠢᠨᠳᠤ ᠠᠪᠢᠶᠠ ᠪᠤᠶᠤ ᠪᠢᠴᠢᠯᠭᠡᠪᠡᠷᠨᠢ ᠪᠢᠴᠢᠬᠦ ᠪᠠᠢᠳᠠᠯ ᠭᠠᠵᠠᠷ ᠠᠪᠬᠤᠳᠤ ᠬᠦᠷᠪᠡᠯ ᠮᠣᠩᠭᠤᠯ ᠦᠭᠡᠶᠢᠨ ᠪᠢᠴᠢᠯᠭᠡᠳᠤ ᠰᠠᠮᠠᠭᠤᠷᠠᠯ ᠳᠡᠭᠳᠡᠬᠦᠨᠢ ᠳᠠᠮᠵᠢᠭᠦᠭᠡᠢ᠃ ᠢᠷᠡᠯ ᠡᠭᠦᠰᠦᠯ᠂ ᠤᠴᠢᠷ ᠤᠳᠭᠠᠶᠢᠨᠢ ᠬᠦᠨᠳᠦᠳᠭᠡᠨ ᠦᠵᠡᠵᠦ ᠠᠩᠬᠠᠷᠤᠨ ᠱᠢᠨᠵᠢᠯᠡᠬᠦ ᠬᠡᠷᠡᠭᠲᠡᠢ᠃ ᠡᠭᠦᠨᠢ ᠱᠢᠢᠳᠪᠦᠷᠢᠯᠡᠬᠦ ᠬᠠᠮᠤᠭᠤᠨ ᠰᠠᠢᠨ ᠠᠷᠭᠠ ᠭᠡᠪᠡᠯ᠂ ᠬᠡᠯᠡᠨᠤ ᠵᠦᠢᠶᠢᠨ ᠰᠤᠷᠬᠤ ᠪᠢᠴᠢᠭᠤᠨ ᠣᠨᠴᠠᠭᠠᠢ ᠪᠢᠴᠢᠯᠭᠡᠶᠢᠨ ᠵᠢᠱ᠌ᠢᠶᠡᠨᠳᠤ ᠣᠷᠤᠭᠤᠯᠬᠤ᠂ ᠲᠠᠢᠯᠪᠦᠷᠢ ᠲᠣᠯᠢᠶᠢᠨ ᠲᠣᠯᠤᠭᠠᠢ ᠦᠭᠡᠳᠤ ᠵᠢᠭᠰᠠᠭᠠᠵᠤ ᠲᠤᠰᠭᠠᠢ ᠲᠠᠢᠯᠪᠦᠷᠢ ᠬᠠᠳᠠᠪᠠᠯ ᠵᠦᠢᠲᠡᠢ ᠭᠡᠵᠦ ᠦᠵᠡᠨᠡ᠃
ᠥᠪᠦᠷ ᠮᠣᠩᠭᠤᠯᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠡᠪᠯᠡᠯᠦᠨ ᠬᠣᠷᠢᠶᠠ ᠲᠦᠮᠡᠨᠳᠡᠯᠭᠡᠷ
ᠥᠪᠦᠷ ᠮᠣᠩᠭᠤᠯᠤᠨ ᠡᠳᠦᠷᠦᠨ ᠰᠣᠨᠢᠨᠠᠴᠠ ᠱᠢᠯᠵᠢᠭᠦᠯᠦᠨ ᠨᠡᠢᠲᠡᠯᠡᠪᠡ
